يقول من نومه على طاير طار =مدري يروح الطير ولا يجيله
ماغض طرفه من عوا الافكار=افكار من حرف مستطيله
مر يخيله كنه موج الابحار=ومرار تعطيه القفا مستحيله
جفت حلج الليل مع كل معبار=يلوع قلب شاعبه ينطويله
يصفي الزمان ايام وايام غدار=معاد اميز بين عدله وميله
ميله يدق بثومة القلب مسمار=فالود معلوق الضماير يشيله
ياعاذلي بالهون لاتشعل النار= في روح مجروح تذكر خليله
خليل مامثله خليل(ن) ولا صار=يكود ناس في عددهم قليلة
ذعذع ومانه مع هل العز والكار =ودين وتقوى عصاه الجليلة
رجل(ن) حماه الله من درب الاشرار=له في ربا نجد الاصيله نفيله
نال الذي نالوه وافين الاشبار=(شجاع) كسب الطايله من حصيله
حر طلع مرقب صواريم الاحرار=حل او نزل بين الحرار الاصيله
قرم(ن) على عسر المناهيج مغوار=شيال من درب الخفاف الثقيله
شيال حمل الجود من صم الاصخار=وهو الذي لاقام له يرتكيله
المرجلة لو هي على ضلع سنجار =جابه على دمث المناكب يشيله
ابو مبارك عز الادنين والجار=ملفا الرجال اهل الوجيه الطويله
حلحيل ماينحال كسار جبار=جلمود صخر حايله مايجيله
العز لو دونه مشقات واخطار=داس الخطر مختار حتى يجيله
نطاح صعبات المواجيب مختار=يودع جماجم روسها تنحنيله
كم نال الجود مرات وامرار=والنايحات اتنوح نوح العليله
يضرب على الكايد ولاهوب جضار=لين اشتهر مع كاسبين الفضيله
جسر العبور مودى كل محتار=الى اقفار امشمرخات الطويلة
قرم الى جات المواجيب خسار=ريف المحيل او عيد من يشتكيله
المال للمشكل بساتين وانهار=ودرعن الى جات ليال المحيله
المال سيف في يد القرم جزار=يكسر شباك اهل السيوف البخيله
والمرجله طرق طويلات واقصار=كود من خاف ينقص حصيله
وصلاة ربي عد هملول الامطار = من مدلهم يسبق الوابل سيله
على الرسول الهاشمي خير الابرار=المعتصم بالله والله كفيله

المشاركة الأصلية كتبت بواسطة ابن محمد الودعاني بسم الله الرحمن الرحيم هذه القصيدة قالها الشاعرفهيد بن شلعان الودعاني مادحا فيها شجاع بن مبارك القرموط المساعرة يقول من نومه على طاير طار =مدري يروح الطير ولا يجيله ماغض طرفه من عوا الافكار=افكار من حرف مستطيله مر يخيله كنه موج الابحار=ومرار تعطيه القفا مستحيله جفت حلج الليل مع كل معبار=يلوع قلب شاعبه ينطويله يصفي الزمان ايام وايام غدار=معاد اميز بين عدله وميله ميله يدق بثومة القلب مسمار=فالود معلوق الضماير يشيله ياعاذلي بالهون لاتشعل النار= في روح مجروح تذكر خليله خليل مامثله خليل(ن) ولا صار=يكود ناس في عددهم قليلة ذعذع ومانه مع هل العز والكار =ودين وتقوى عصاه الجليلة رجل(ن) حماه الله من درب الاشرار=له في ربا نجد الاصيله نفيله نال الذي نالوه وافين الاشبار=(شجاع) كسب الطايله من حصيله حر طلع مرقب صواريم الاحرار=حل او نزل بين الحرار الاصيله قرم(ن) على عسر المناهيج مغوار=شيال من درب الخفاف الثقيله شيال حمل الجود من صم الاصخار=وهو الذي لاقام له يرتكيله المرجلة لو هي على ضلع سنجار =جابه على دمث المناكب يشيله ابو مبارك عز الادنين والجار=ملفا الرجال اهل الوجيه الطويله حلحيل ماينحال كسار جبار=جلمود صخر حايله مايجيله العز لو دونه مشقات واخطار=داس الخطر مختار حتى يجيله نطاح صعبات المواجيب مختار=يودع جماجم روسها تنحنيله كم نال الجود مرات وامرار=والنايحات اتنوح نوح العليله يضرب على الكايد ولاهوب جضار=لين اشتهر مع كاسبين الفضيله جسر العبور مودى كل محتار=الى اقفار امشمرخات الطويلة قرم الى جات المواجيب خسار=ريف المحيل او عيد من يشتكيله المال للمشكل بساتين وانهار=ودرعن الى جات ليال المحيله المال سيف في يد القرم جزار=يكسر شباك اهل السيوف البخيله والمرجله طرق طويلات واقصار=كود من خاف ينقص حصيله وصلاة ربي عد هملول الامطار = من مدلهم يسبق الوابل سيله على الرسول الهاشمي خير الابرار=المعتصم بالله والله كفيله