بيّض الله وجه بدر السيّد=أشهد إنّه واصلٍ في خاله
جعل يفداه الرّدي المتحيّد=واحدٍ ما همّه إلاّ حاله
يا فهد خلّ الهموم و عيّد=لك عيالٍ تردع العيّاله
كلّ منهم للمراجل شيّد=ماكرّ للعزّ محدٍ طاله
في لزومك ما طراه يهيّد=و ان ثقل حملك بمتنه شاله
ابن الأخيل و ان نّخاه مقيّد=يبشر بعزّه و طيبة فاله
أشهد إنّه سيّد من سيّد=جعل يبطي حيّ هو و أمثاله
جعل عوده في النعيم مزيّد=يقبله ربّي بظلّ ظلاله

بيّض الله وجه بدر السيّـد أشهد إنّه واصلٍ في خالـه

جعل أبو ناصر يوقّف بالسّلامه=راعي المعروف كسّاب الجميلي
يا ولد غنّام يا ساس الكرامه=يا عريب الجدّ يا( فهد الطّويلي)
من سلايل لابةٍ عند الجهامه=يرخصون الرّوح لا هاب الذّليلي
أشهد إن هم لا زما العايل كعامه=سِعْد منهم فزعته لاد الخييلي
جعل ما صابه يعلّي في مقامه=ما يخيب الّلي على ربّه دخيلي
يالله إنّي طالبك حقّق مرامه=و احفظه بعنايتك من كلّ ميْلي
ذا و صلّى الله عدد ما أنشت غمامه=للنّبي الهاشمي أزكى دليلي

المشاركة الأصلية كتبت بواسطة شافي بن راشد النتيفات (المشاركة 677943) بيض الله وجهك ووجهه والله يشفي المصاب وصح لسانك ياعبدالله على هذه الدرة

المشاركة الأصلية كتبت بواسطة راشد المسعري (المشاركة 677981) الله الله بيض الله وجهه على علمه الطيب اللي هو واجب عليه اصلا وبيض الله وجهك على هذه الأبيات الجزلة صح لسانك ياعبدالله ولك ودي وتقديري،،،