|
في موقفٍ مافيه للعذر تبرير
السلام عليكم ورحمة الله وبركاته هذي قصيده شاركت بها في مسابقة الولاء والوفاء التي اختتمت قبل يومين بوادي الدواسر بتنظيم صحيفة وادي الدواسر الإلكترونية ، ولم يحصل لها نصيب مع المشاركات الفائزة ، ومادامت كتبت في خادم الحرمين الشريفين وفي وطننا الغالي فأعتبرها فائزة وكذلك الإخوان اللذين لم يحالفهم الحظ.
زان القصيد وزان بدعه وهلّه = في موقف مافيه للعذر تبرير في محفل وادي المعزه محله= وادي الدواسر والرجال المناعير سيف الجزاله لاحضرنا نسلّه = بين السيوف اللامعات البواتير سيف ذخرته لين وقته وحلّه = إلين لاحت في سمانا التباشير بقدوم شيخ كلنا فدوة له = اللي يقول بخير مادمتوا بخير عنّا ثقيل حمول بقعاء يشلّه = ويوّرد الضميان لا جمة البير سحاب جوده كل حين يهله= لين أصبحت جرد الفيافي مخاضير عاش الزعيم اللي تظلل بظله= كل العرب لاجاء للاحوال تغيير لاجاء نهار فيه للوضع خله = تنصاه شيخان العروبة طوابير إلى إنعقد حبل المصاعب يحله = يسوق مال وجاه ويحث ويشير طيبه وجوده والشجاعه جبلّه = ماله شبيه من عصر سالم الزير وحنّا جنود ماتعرف المذله = يبشر بنا في ساعة الشر والخير دون الوطن مثل الجبال المطلّه = نرسي كما ترسي أبانات والنير يموت من ينوي وطنا بغله = ويحيا الوطن ويدوم عز المشاهير آل السعود اللي لها المجد كله = ويدوم عبدالله زبون المخاسير |
رد: في موقفٍ مافيه للعذر تبرير
الله عليك يابومحسن
صح لسانك على هذه الرائعه ويستاهل الملك حفظه الله واطال عمره على الطاعه سلمت يمناك ياكحيلان ولاهنت جزيل الشكر والتقدير |
رد: في موقفٍ مافيه للعذر تبرير
هلا يابو غازي
صح بدنك ، ومرحبابك يالقرم ولاهنت على التواجد والرد الطيب تقبل ودي وتقديري ،،، |
رد: في موقفٍ مافيه للعذر تبرير
صح لسانك واعتلى شانك يابومحسن
شاعر جزل ولافيك حيلة تقبل مروري المتواضع على هذه الراااائعة |
رد: في موقفٍ مافيه للعذر تبرير
ارحب يابومحسن وحيه وحي ماجاب ويشهد الله انك فايز بقلوبنا
صح لسانك ملاييين وطنية نابعة من قلب صادق والله يطول عمر ابومتعب |
رد: في موقفٍ مافيه للعذر تبرير
اقتباس:
صح بدنك ويامرحبا يابو شافي الساعة المباركة مرورك على الأبيات الله لا يهينك وتقبل ودي وتقديري ،،،، |
رد: في موقفٍ مافيه للعذر تبرير
صح لسانك على هذه الرائعه
وكما فال ابوشالح يشهد الله انك فايز بقلوبنا والله يطول عمر ايومتعب تحياتي وتقديري |
رد: في موقفٍ مافيه للعذر تبرير
صح السانك أخي أبومحسن
أطال الله في عمر أبومتعب وحفظه لنا من كل شر.. بارك الله فيك... |
رد: في موقفٍ مافيه للعذر تبرير
صح لساااااااانك يأبو محسن
ولله درك أيها الجزل بيض الله وجهك ودمت في رعاية الرحمن |
رد: في موقفٍ مافيه للعذر تبرير
بقدوم شيخ كلنا فدوة له
اللي يقول بخير مادمتوا بخير عنّا ثقيل حمول بقعاء يشلّه ويوّرد الضميان لا جمة البير اررررررحب يبومحسن وصح الله لساااااااااانك وإن كان ذا الجزلة ما فازت اجل عز الله اللي فازت معلقات دام انها فُضلت على هالشامخة... والله يبارك في من فاز ومثل هالمسابقات مافيها خاسر والكل فايز في عيون اهل الشعر ومحبين الدار يسلم فكرك ومنطووووقك يا راشد شاعر جزل ومشاركتك بحد ذاتها اضافة لاي مسابقة استمتعت وارتويت شعر وانا اخوووك فتقبل هالمرور المتواضع نفداااااااك... |
رد: في موقفٍ مافيه للعذر تبرير
ارحب يابومحسن ويكفي من هذه القصيده انك صاحبها ويكفيها انها في ملك القلوب ويكفي ان موقع المسابقه وادي العز فلماذا لاتخرج بهذا الجمال ,,, صح لسانك واعتلى شانك
تقبل مني التقدير ووافر الاحترام |
رد: في موقفٍ مافيه للعذر تبرير
صح لساااااااانك يأبو محسن
بيض الله وجهك تحياتي وتقديري |
رد: في موقفٍ مافيه للعذر تبرير
في محفل وادي المعزه محله
وادي الدواسر والرجال المناعير بيت رائع جميل وقصيدة أروع وأجمل صح لسانك ابو محسن في انتظار جديدك |
رد: في موقفٍ مافيه للعذر تبرير
شاركت بها في شاعر الملك
والظاهر إنها بتلحق مسابقة الوادي هههههه لكن ننتظر لين نتأكد ولاّ رجعناها لمحلها لاهنت يابو فهد |
رد: في موقفٍ مافيه للعذر تبرير
اقتباس:
ارحب يابو شافي صح بدنك طال عمرك على طاعه لاهنت ولك ودي وتقديري ،،،، |
الساعة الآن 08:03 AM
 |
Powered by vBulletin® Copyright ©2000 - 2025, Jelsoft Enterprises Ltd.
---