البارحه ياروح روحي خنجر عتابـك حديـد=تومي بها وإليا أسهبت بين الضلوع أركيتها
حُكم الغلا خلاك تطعني وأنا اللـي مستفيـد=فديتك أنت وكل طعنـه مـن يـدك فديتهـا
محبتك تجري بدمي من وريـد إليـا وريـد=بين الضلوع العوج بخشتها وقلبـي بيتهـا
لينت لك قلبً لغيـرك مـا يلينـه الحديـد=ولديت لك عينً لغيـرك مـا بعـد لديتهـا
وغنيت فيك النادرات الشاردات من القصيـد=اللي تثير الصمت في الجمهـور لاغنيتهـا
ونشرتها باشهر مجلـه للقريـب وللبعيـد=على غلاف المختلف كلـن قـرا منشيتهـا
عقدً يليق بجيدك اللي فارقً عن كـل جيـد=والشفه اللي هرجها معسول يخـرب بيتهـا
لاقلت أريد وقالت أمر قلت مدري ويش أريد=قالت علامك قلت أنـا بغيتهـا وأخطيتهـا
مره من المرات في ليـلٍٍ نسانيسـه جليـد=هزتني الذكـرى وسرتنـي وأنـا سريتهـا
مدري بطل مدري خبل مدري ذكي مدري بليد=مير المهم إن العنود إليـا دعتنيـي جيتهـا
وإن شفتها عقب التعب والليل والبرد الشديد=وأقـول ياليـت الليالـي كلهـا يالليتـهـا
مرة شقاها للشقي ولـذة سعدهـا للسعيـد=وألذ منها الجمره اللي في يـدي ضميتهـا