|
الشكره والفرجان
الاخ العزيز / ابو نوره تستفسر عن القصيده في موضوعك وثقوها يا شكره وهذا اللي جمعته حول سبب القصيده اللي تسال عنها ( القانـــــس ) هذي طال عمرك هيه بين قبائل عبيده ودهم ضد الشكره والفرجان وكانو جايين يكسبون ابل الدواسر ولكن الشكره والفرجان حاضرين قبل يكسبونها وتواجهو جميع وصارت الهيه وانكسرت قبايل دهم وعبيده ولا افرحو بالابل لكن جاتهم الهزيمه وانكسرو وانتصرو الدواسر فيها ضد قبايل دهم وعبيده وكسروهم كسرتن يعدونها الاولين والتالين وجا البشير للشاعر وعلمه بانتصار الدواسر فيها وقايل القصيده فرحان بن ذيب ال عفدين الشكره
مرحبا بالطارش الي لفانا بالخبر = يوم بشرنا بعلمه وهو توه يسير جونا اليمنان يبغون حسكات الوبر = حاسبين مالهم دونها كون المسير يوم شاف وسومها زاد همه واحتسر = خابر انه بيجي عندها يوم عسير عرضوهم لابتي من دونها سو القدر = عقب ركز العيز حطوه في قبر ٍٍ غزير نعم بالفرجان والي من اللابه حضر = لاد بن شكر هل المدح في اليوم الكبير طرشنا يرعا من الفاو للحفر = حاضرين عندها قبل ياتيهم نذير والله اعلم واظن القصيده اطول والشكر للاخ ناجي الشكري ( ابو محمد ) على المعلومات اللي ارسلها لي |
اخوي الشكري هذا ما اردته وبيض الله وجهك ووجه ابو محمد و عندي تعديل بسيط على الشطر الاول من البيت الاخير ( طرشنـا يرعـا مـن الفـاو للحفـر)
انا كتبتها بهذا الشكل فى استفساري الاول( والصحيح طرشنا يرعا من الفاو لاحد الحفر ) قد تكون سقطت سهوا" المهم ان المعلومه وصلت والقصه وثقت سواء وثقتها اوثقتموها كلنا مكملين لبعض واليد الواحده لاتصفق وجعلكم ذخر تقبلو تحيات اخوكم ابو نورة |
اشكرك أخوي الشكري علئ التوثيق وبارك الله فيك
وتقبل تحيات محبكـــ : الشكري001 وفي أمان الله |
مرحبا بالطارش الـي لفانـا بالخبـر=يوم بشرنا بعلمـه وهـو تـوه يسيـر جونا اليمنان يبغون حسكـات الوبـر=حاسبين مالهم دونهـا كـون المسيـر يوم شاف وسومها زاد همه واحتسـر=خابر انه بيجي عندهـا يـوم عسيـر عرضوهم لابتي من دونها سو القـدر=عقب ركز العيز حطوه في قبر ٍٍ غزير نعم بالفرجان والي من اللابه حضـر=لاد بن شكر هل المدح في اليوم الكبير طرشنـا يرعـا مـن الفـاو لاحد الحفـر=حاضرين عندهـا قبـل ياتيهـم نذيـر الشكري أبو عبدالله جعل يمناك مايجيها العطب ياسنايدي على توثيق العلوم الغانمة اللتي أنتو أهلاً لها والله وثمانين نعم بصبيان الشكرة والفرجان يستاهلون المدح جعلهم المعزه والله يصح لسان الشاعر فرحان بن ذيب ال عفدين الشكره تقبل ودي وتقديري لمقامك العالي محب الجميع : دغش البطي |
ابو عبدالله تسلم يمناك على نوادرها الثمينه
ومليون نعم ببني عمنا الشكرة والفرجان ولاهيب مستغربة منهم فعول الطيب تقبل تحياتي اخوك ومحبك ابن محمد الودعاني |
مرحبا بالطارش الـي لفانـا بالخبـر=يوم بشرنا بعلمه وهـو تـوه يسيـر جونا اليمنان يبغون حسكـات الوبـر=حاسبين مالهم دونها كـون المسيـر يوم شاف وسومها زاد همه واحتسر=خابر انه بيجي عندها يـوم عسيـر عرضوهم لابتي من دونها سو القدر=عقب ركز العيز حطوه في قبر ٍٍ غزير نعم بالفرجان والي من اللابه حضـر=لاد بن شكر هل المدح في اليوم الكبير طرشنا يرعا من الفاو لاحـد الحفـر=حاضرين عندها قبـل ياتيهـم نذيـر العزيز الغالي ابوعبدالله " الشكري " جعل يمناك مايجيها العطب ياكحيلان علمك دايم غانم جعل من ارثك في الجنه ونعم ومليون نعم بصبيان الشكره والفرجان جعلهم المعزه والشكر موصول للاخ العزيز ابومحمد " ناجي الشكره " ولا ننسى صاحب الكلمه الاولى ابونوره جعله يحيى على ماقدم. ابوعبدالله لك التقديري ولاحترام اخوك/ فهد الغريري,, |
لاهنت يابوعبدالله الشكري
على ايراد القصه والقصيده وسبعة انعام بالشكره والفرجان والله يعطيك العافيه تحياتي لك--ابوشجاع |
لاهنت يا بوعبدالله الشكري على ذكرك القصه..
وكفوو والله بلابتي الشكره والفرجان....... ومشكور ويعطيك الف عافيه....... |
كفوووووووووووووووووووووووو
بالفرجان والشكرة |
|
ابوعبدالله
الله يعطيك الف عافيه على السالفه والقصيده المشرفه |
اقتباس:
الاخ العزيز / ابو نوره نعم صدقت كلنا واحد وسوا منك او مني توثيقها او اي احد من بني عمنا فكانها واحد منا وبالنسبه للشطر اللي انت ذكرت فنا نقلتها كما وردت وعلى العموم الف شكر لك وبيض الله وجهك ولك خالص شكري |
اقتباس:
الاخ العزيز / الشكري بارك الله فيك واشكرك على ردك الطيب وتسلم تسلم |
اقتباس:
الاخ العزيز / دغش البطي ( محب الجميع ومحبوبهم ) يا جعل يمناك ما تعرض على النار وجعل شيبان ارثوك الجنه ونعم بكم يا بنا عمنا وانا وانتو شي واحد والله ولا عليكم قاصر ولا على بني عمنا جميع وبارك الله فيك والشكر لك على مرورك الكريم وردك الجميل تسلم ويسلم غاليك |
اقتباس:
الاخ العزيز / ابن محمد الودعاني جعل يمناك ما تعرض على النار ومليون ولا يكفون بكم يا الوداعين وفي باقي بني عمنا واشكرك على مرورك الكريم وردك الجميل تسلم ويسلم غاليك |
الساعة الآن 02:23 AM
 |
Powered by vBulletin® Copyright ©2000 - 2025, Jelsoft Enterprises Ltd.
---