كل طيب ينكر المتردي = والتجنّي من صفات الجاني
والمراجل مثل وسم الخدي = تفرق المجهم عن الشهباني
والله ان ودي ولا هو ودي = اكشف العاهات والخبلاني
مستريح ولا تبيّح سدي = وبالاصح ان ماني بلشاني
بكشفك يانّاقص المحتدي = ياقفر يالخالي الفقراني
ذيخ ولانت بشيخ يالافندي = نقص طيب ونقص شي ثاني
الفشيله جبتها ترتدي = والهزيله مدتك من داني
لو تحزم بالقنا والزندي = منته ابندر ولد سلطاني
الرساله حررت من يدي = وصلوها عاجله لفلاني

المشاركة الأصلية كتبت بواسطة ابو زيد الغييثي (المشاركة 655385) " ابن مرضي " اررررررررررررررررررحب مليون × مليون صح اللسانك واعتلا شانك ولا هنت على هذه الابيات الرااائعه

المشاركة الأصلية كتبت بواسطة ابوشافي الدوسري (المشاركة 655395) صح لسانك يابن مرضي على هذه الابيات الرااااائعة تحياتي وتقديري

المشاركة الأصلية كتبت بواسطة شافي بن راشد النتيفات (المشاركة 655398) صح لسانك يابن مرضي مبدع في جميع المجالات

الرساله حررت مـن يـدي وصلوهـا عاجلـه لفلانـي