ياهاجسي مالك عذر لو تعتذر=دام المدايح فالرجال اكبر فخر
ابرك لهم مادام امري لك مطاع=وحقك علي مابركك كذب وفجر
هذا فلاح ذعار وهذا هو انا=محمد الطفلان واسم مستمر
اسمه عليّه بالحرام انه كفو =اسمن على روس الطويلات استقر
صبين كفو وابن كفو جده كفو=اسلالتن تذري عن اصدوف الدهر
جيته يومن العلم مايبغا بديل=ثم قال انا درع النحر ستر الظهر
صميدعن راسه من الطناخه يفوح=لجا المصامد مايدورله مفر
يمشي الدروب الكايده ماينثني=مصخر عزمه على دوس الخطر
هذا الرفيق الي عليه بالحرام=ان رفقته تسوا قصيرين الشبر
ياجعل عودن ارثه عالي الجنان=عودن قبر جسمه وذكره ماقبر
امخلدن دام الزمن تدرج رحاه=اسد ترك لشباله الندر فخر
من سلسلة قومن على العليا رقو=زحول برك اهل المدايح والسطر
في ضل هيبتهم يعيشون الشيوخ = بمصقلاتن قوتها دم" حمر