راكب الي ماتكون من عدم =له حديد مايفصل للغرف
طوع الفولاذ كف ن من لحم= لين لان الصلب جزار السعف
العرب في ا صناعته تبطي عظم =ماتبجح في نعيم ولا نحف
ان شلعته وان هلعته من حزم=مثل ذيب مشمرخيه لهرف
دام هذا يقطم الطرقه قطم=ويش ابي فالهرش مكال العلف
فيه ربخ المنعمين وله زقم =ان وقفلك وان عرضلك وان شطف
كنه برق ن باول الوسمي وسم=لرتدم نوه وبراقه كشف
ماخذ ن من عادتي سم ونعم=لاتوجه في لزومي مانكف
لين يقطع دوخة اعماس ن ضرم =لاشكا المبحوح من ريق ن نشف
دام ريح البن كيفه ماحرم=صبو الفنجال لحجاج ن يرف
المنيعي جر موال وزهم =ونفجر شعره وبركانه رجف
عطني الموجود والباقي لكم=لبترم قلبي لصوتك ونشعف
مايطب فروع الاهلي منحرم=يوم انا قد صابني منها قرف
في كنف جو الهقاوي مرتطم=والبشر والكون كل في كنف
يامحمد يقسم الله ماقسم=من لقاله ورد في دربه قطف
من رعى صحرأ الضما ببل وغنم =لاثناء ركبه ولا شداده جعف
لك مقام الخاطرين ولي قيم=ولك زلال الماء ولعدأك عذف
وانت لا عدك صديق ولا خصم=تجرح الملهوف وتزيده لهف
للحلوق ايدين والقاضي حكم=والحكم قد قال قول ولانصف
والله ان اقوم قومت منتقم =من طعني في ظلوع مالطف
قد جهمناله معا الغبشه جهم=ماصخف قلبي لقلب ن ماصخف
يوم جوفي نار وجرومه فحم=ماسكب دمعي ولا جرحي نزف
وانت تامر يابن عمي واخدم =من خطفنا خطف ننويله خطف
مسرجين الصفر والخيل الدهم=مانشيل الحمل في ظهرن عجف
دم قلبي جاك حبر ن في قلم =مثل دم الشيعه اللي فالنجف
كان مات الحلم عزو من حلم=لادنا حاله من الموت ودنف
انسكتنا لاتحسبنا بكم=ون حكينا قد نجرف من جرف
والصراحه يوم نبدا وان ختم=اشهد انك من رياجيل الصلف

كان مات الحلم عـزو مـن حلـم=لادنا حاله مـن المـوت ودنـف انسكتـنـا لاتحسبـنـا بـكــم=ون حكينا قد نجرف مـن جـرف