بعد سمر الجدايل وانتخت بالقذله الهله =تبي مني عروسٍ للقصيد ازريت لا غويها
ويومٍ اني لقيت لها الخلود وجيت ابصله =تنحر ك الكلام اللي فهقها دون مغليها
خضع لك راس مسبوق القصايد وانحنى كله= وانا بك شاعر الدنيا ومشغلهاوماليها
يذكرني رحيلك مجلسٍ باقي على حله =مداهيل الرجال اللي تنومسنا مواطيها
هنا علقت سيفٍ يوفي الثارين من سله =هنا علقت رمحٍ يطعنى الجوزاء ويطفيها
هنا بينت مصحفك الكريم ودلنا دله=معك نبدا مواعيد الكلام وننتهي فيها
هنا سقيت غصنٍ من غلاك كنا تحت ظله = نسولف بالغنى يا بايع الدنيا وشاريها
هنا كان البياض رجال ماتقبل خنا الزله=عمايمها سحابٍ وابله باقي مواضيها
رجالٍ لو تشوف الماء غدر ما شربته لله=نبت عشب الرضا ياسيدي باول مغازيها
هل التوحيد وكنوز العلوم ونصرة المله=رجالٍ يضحك التاريخ لاولها وتاليها
هنا ماضيك ورياض الخليل اللي رعى خله=شربنا عذبها مادري لعبنا في مغانيها
هنا تخنقني العبره وانا اكتب يارسول الله=على قبرك نسيت الناس حاقدها وحانيها
وابو قبرٍ يته من الفخر بالبيد وتجله =على حسدٍ تبين من سمايمها وصاليها
ويهناه الوفاء قبرٍ يضمك في ثرى تله =مدامه بين فردوس الجنان وبين منشيها
وانا لمن ذكرت فراقك اللي في يدي غله =نسيت ان الليالي شيبتني من بلاويها
على بعد الزمان اللي يعقد الحبل ويحله=يا مني ذكرتك طاحت الدمعه وراعيها
سلام الله ماهز الصباح نسرينه وفله=على الطفل اليتم اللي عطى الدنيا معانيها