حان الوعد واشتغل فكري بمجهوده = واشد حملي على اللي نيها نابي
حمل ثقيل رفيع عالي الجوده = واشهربها في الوجيه ولاني أحابي
وان جيت في محفل يزودني زوده = اهديه للي لفا قريب واجنابي
يامرحبا عد مايمطر على السوده = واعداد مايطبع وينشر من كتابي
واعداد مالاح برق وحنت رعوده = ترحيب طيب وكرم ما احصيه بحسابي
عن موقع للدواسر بان مردوده = وعن طاقمه قمت ارحب وابدي اعجابي
موقع فخر فيه آمال الخير معقوده = بين المواقع ثبت ماهزه اربابي
الموقع الرسمي لياعدت بنوده = يعطيك مافيه من عادات وآدابي
انتم والاعضا ومنهو زاره شهوده = ولولى رجال عليه تحوف ماطابي
ذا الليل عيد علينا يالله تعوده = جمعا بني عمنا مردودها ايجابي
تكاتف ومعرفه والوصل مقصوده = ماله سوا غيرها مقصود واسبابي
وشوفة رجال تنوش الطيب وتروده = اللي واحدهم لاجاه العلم ماغابي
وبالطيب والمعرفه مايجهل حدوده = على النقا قام حظه فوق ماعابي
درب الردى مايجي شرعه ومنقوده = وبيت الفشل مايجيله ساس واطنابي
وشلون وهو الذي لاذكرو جدوده = فان كان للفخر جرم اعده ارهابي
الدوسري والنعم عود ورا ذوده = يطرد وراها ويفتل روس الاشنابي
والدوسري والردى نار وباروده = ماتجتمع دام للناموس كسابي
ربعي حماة الوطن في الضيق وجنوده = صبيهم لا احتمى الميدان ماهابي
صبينا في اللقا مابيح سدوده = يسد في ماجبه ويفك الانشابي
وصبينا يفخر بماضيه ويذوده = يوم الجهل يوم عصر الشلف وحرابي
صفاتنا ماهي بسهله ومعدوده = بالفعل والا لاجيت لعد الانسابي
هذا قليل كتبته واعرف ردوده = والصدق مثل النهار يبين الغابي
كل القبايل بفعل الطيب معهوده =مدحي لربعي ماينقص حق الاجنابي
واليوم في الامن كل مدد عضوده = في ظل حكم على درب القدا صابي
حكم السعودي ليامن ذكرو فهوده = تداوي اللي ماينفع جرحه اطبابي
الله يعز الوطن شامخ مع طوده = عبدالله اللي رجانا فيه ماخابي
عبدالله امام الامه ماش يكوده = في السلم سلم وبوقت الحرب حرابي
الله يعزه ويرحم امه وعوده = ياليت يشرى شبابه وادفع حسابي
واعطيه لو كان من عمري ومردوده = انه يعود شباب اهم الاسبابي

اخي العزيز

شافي النتيفات

يامـرحـبـا عـــد مايـمـطـر عـلــى الـســوده=== واعـــداد مايـطـبـع ويـنـشـر مـــن كـتـابــي

واعـــداد مـــالاح بـــرق وحــنــت رعــــوده===ترحيب طيب وكرم ما احصيـه بحسابـي

قصيدة جزلة من جزالة قائلها

ولاتحرمنا من جديدك الجزل

وتقبل مي كامل الود والاحترام

المشاركة الأصلية كتبت بواسطة حفيد الأمراء (المشاركة 632545) اخي العزيز شافي النتيفات يامـرحـبـا عـــد مايـمـطـر عـلــى الـســوده=== واعـــداد مايـطـبـع ويـنـشـر مـــن كـتـابــي واعـــداد مـــالاح بـــرق وحــنــت رعــــوده===ترحيب طيب وكرم ما احصيـه بحسابـي قصيدة جزلة من جزالة قائلها ولاتحرمنا من جديدك الجزل وتقبل مي كامل الود والاحترام

المشاركة الأصلية كتبت بواسطة عبدالرحمن الجبابرة (المشاركة 632546) السلام عليكم ورحمة الله وبركاته مبدع أيها الشاعر المميز , شافي النتيفات صح لسانك وسلم فكرك وبيض الله وجهك قصيدة تكتب بماء الذهب وتستحق التغني بها لاعدمنا بوحك الراقي .

صح لسانك يا شافي وبيض الله وجهك

قصيده جزله من شاعر جزل

المشاركة الأصلية كتبت بواسطة خالد المشاويه (المشاركة 632562) صح الله لسانك يابوشالح ولاهنت على الرائعه