عسا السحاب الي نشا وتردف قنوفه = يعم الجزيره والهبايب يسوقنه
ترا البر يطرب من مشافيه ويشوفه = تحنه من الويلات لاجن بياطنه
نباته جديد كيف ابوصف وصوفه = يذكرك بالآيات ماقيل فالجنه
عطية كريمً يعطي الخير بصنوفه = كريمً رحومً لاعطا ماتبع المنه
يشوّقك نبت(ن) زاف في راس قفقوفه = نبته جديدً والخباري ساقنه
تشوف البيوت اللي على العز بضيوفه = دلاله تشوق وصوت نجره الا دنه
ببيت الكريم اللي يشوقك في حوفه = يحوف الدلال ويبسط النفس في فنه
كريمً شجاعً مايحسّب لمصروفه = ويفرح الا شاف الركايب تنصنه
ترا الوقت هاذا ماتهنى بمعروفه = ياليت الليالي ماخذنه يردنه
اشوف الزمان اللي علي هب عاصوفه = وعزيل من سود الليالي توطنه
واصلي على اللي يشمل الخلق معروفه = نبياً هدا للخير ومثبت السنه

شاعرنا القدير

سعد بن سويحل الخضران

اهلاً هلا ماهل وبل المخاليل

واهلاًهلا مالاح براق بخيال

ومرحبا ثم مرحبا ثم مرحبا

عدد ماهل السحاب وسالت الريضان

ابوسلطان

صح لسانك مدد

وجعل من جابك في الجنه

حقيقة من أروع قصائد وصف البر التي شاهدتها

لأنني أشاهد في قصيدتك شدة تعلقك بالله جل جلاله

مثل ماتقول

عطية يعطي الخير بصنوفه == كريم رحوم لاعطا ماتبع المنه

وفي آخر القصيدة صلاتك على النبي صلى الله عليه وسلم

ولاخاب من تعلق بالله سبحانه ولك الأجر في ترديد هذه الابيات

ومن ثم ذكرت مكارم الأخلاق التي هي من اوصاف اخلاق الباديه

حينما قلت وما أجملها هذه الابيات

وتقبل مني اعذب التحايا

واختتم بها
تشوف البيوت اللي على العـز بضيوفـه=دلالــه تـشــوق وصـــوت نـجــره الا دنـــه
ببيـت الكـريـم الـلـي يشـوقـك فــي حـوفـه=يحـوف الـدلال ويبسـط النفـس فـي فـنـه
كــريــمً شــجـــاعً مـايـحـسّــب لـمـصـروفــه=ويــفـــرح الا شـــــاف الـركــايــب تـنـصـنــه