ياسلام الله سلامٍ على عز وشرف = عد ما ناضت بروقٍ وما زاعت رعود
من روابع شاعرٍ فالمثايل محترف = لا حضر مع هل المعرفه علمه يزود
المثايل من ظميري ولا اخذها سلف = ومعْ رجال المعرفه والقصيد ارقى سنود
اعسف القاف الذي بيد غيري ما نْعسف = وعلى مظمار الهواجيس كرست الجهود
وانتقي جزل المعاني من اعماق الصدف = قبل ما تنضب هجوسي ولا تبيح السدود
استنير بْها الى شحّت انوار النجف = برقها يكشف ظلام الغداري للوجود
جيتكم شاعر واسلم سلام ينعرف = شاهر وباهر وشاهد على اقوال الشهود
جيتكم شاعر واسلم سلامٍ مأختلف = معطّره بالمسك ومزخرفه باحلى الورود
انشره لاهل النواميس رواد الشرف = الرجال اهل المكارم عريبين الجدود
صيتهم بالطيب يفوق وصف اللي وصف = سادة السادات بالجود موفين العهود
ولكم اثنّي سلامي على عز وشرف = عدما ناضت بروقٍ وما زاعت رعود

المشاركة الأصلية كتبت بواسطة ابومبخوت الشكره (المشاركة 629389) وعليكم السلام ورحمة الله وبركاته مرحبا بك يابوجمعان وصح لسانك والله يحييك في محلك تقبل تحياتي وتقديري