::: مـنتدى قبيلـة الـدواسـر الـرسمي ::: - مـدري !! ولكـن ربـي معـك اشقـانـي

- :: قسم الـشعر العــام :: (http://alduwaser.org/vb/forumdisplay.php?f=16)

- - مـدري !! ولكـن ربـي معـك اشقـانـي (http://alduwaser.org/vb/showthread.php?t=52303)

مـدري !! ولكـن ربـي معـك اشقـانـي

ياللـي ملكت الضمير وكل وجـدانـي
..............................ماجى في بالك !! تعذر لـي مـن افعالـك
تخطـي عليـه وتهجـرنـي وتنسـانـي
..............................والعذر ليّـه ماضنـه جـى علـى بالـك!
مـرات اقـول إنـك بفعـلـك تحـدانـي
..............................ويجـوز تبغـى اجيـك واطلـب وصالـك
مـدري !! ولكـن ربـي معـك اشقـانـي
..............................يضيـق بالـي واشوفـك مهتنـي بـالـك
عينـي تبـي شوفتـك لايطـول حرمانـي
..............................وجوالـي بـس ينتظـر مرسـال جوالـك
والله .. لاسامحـك مـع إنــك الجـانـي
..............................بس اتصل بي وقـل يالغالـي وش حالـك
صوتـك ينسّينـي همومـي مـع احزانـي
..............................لو كنـت عايـش علـى بعـدك وغربالـك
تدري ؟ وش اللي ذبحنـي فـي واحيانـي
..............................انـي امـوت بغيابـك , وارجـع احيالـك
وتدري ؟ وش اللي يحطم عرش .. سلطاني
..............................اسلوبـك العـذب بيـن الجـد وهبـالـك
قد قلت .. لـك يالغـلا وبعظمـة لسانـي
..............................تـراي احبـك , وطـول العمـر ببقـالـك
بـس انـت لازم توقـف موقـف انسانـي
..............................يعني لاتقسى .. علـى معشوقـك الهالـك
فـي ذمتـي ياحبيـبـي قلـبـي اذانــي
..............................يبيـك مـن بـد .. خلـق الله بلحـالـك
دايـم يناديـك ثــم يـزهـق ونـادانـي
..............................وان قلت له ( هـاه ) صـد وراح نادالـك
وان قلت لـه صاحبـك جافـاك وجافانـي
..............................استنكـر , وقـال فــال الله ولا فـالـك
وان كان تبغى الصحيح . وقول _ ديحاني _
..............................مانته .. كفو .. كان مامريـت فـي بالـك

اعجبتني واتمنى تنآل اعجآبكم:)