انا أحب مالي كل ماقالـوا ابـن ((قويد))= تزين القصيده والمـدح فيـك يا (فيحان)
عليك المراجـل بيتهـا مشيّـدٍ تشييـــد =كسبت الوفاء والطيب ساسك يابن (مرّان)
طموحك بعيدٍ من هـل الحقـد والتنكيـد =من شيوخ نجد اللي لهم بالوفاء عنــــوان
شيوخٍ تفك اللي زبنهـم مـن التهديد=هل الريشه اللي دونها تقصـر العدوان
شيوخ الدواسر فعلكـم مايبـي توكيد=تواريخكم يقصد بهـا شاعـر العجمان
ذكر فعلكم عبلان يـوم الحـروب تزيد =وقبله كلامٍ قالـه جريـس بـن جلبان
أهل شيخةٍ ماهيب شيخـة هـل التقليـد=ولاهيب شيخة تاجـرٍ غـره الشيطان
الا يابعد منهـو يـدوّر علـى التعقيد=يغث المراجع ويتكبّـر علـى الإنسان
يحب التغطرس وإن نصحته يجيب العيد=على سمعته عوّد مثل طير ابن برمان
هل الكبر صاروا مثل منهو يعكس السيد=مثل مايضيّـع مشيتـه تايـه الغربان
وانا خابرٍ كثر العمى في عيون ارشيد=ضعوفٍ تبي السلطه وهم في البلد رعيان
وتقبّل تحية مخلـصٍ لـك بـلا تحديد=يزف التحيه لـك مـعَ زايـد العرفان

صح السانك والسان الشاعر حسين الكبرى
لاهنت يا ابو عبدالرحمن الودعاني
تقبل خالص التقدير والاحترام

سلمت ولاهنت على مانقلت يابو عبدالرحمن

وصح لسان قايلها ولاهان