كل ماجيت أزرع الطيـب واسـوي جميـل=الجميـلـه تـالـي الـوقــت قـلــوا نـاسـهـا
الجميلـه مـا بقـى مـن عربهـا الا القليـل=مـابـقـى الا عـالــمٍ كــاثــرٍ وسـواسـهــا
والجميلـه ماتناسـب مـن الـنـذل البخـيـل=لـو بغاهـا ماعـرف ذيلـهـا مــن راسـهـا
راح جيـل المعرفـه وابتـدا جيـل المـديـل=وابتلـشـت بـعـالـمٍ مـاعـرفـت اجنـاسـهـا
تختلف الاجيـال ويصيـر جيـل بعـد جيـل=والاوادم يـخـتـلـف فـعـلـهـا واقـواسـهــا
لـو بغيـت تعـدل النـاس شــئ مستحـيـل=فـرقـهـا بافـعـالـهـا مـايـجــي بلـبـاسـهـا
لا تحـط ضعيّـف النفـس بالطرقـه زميـل=دوّر الـلــي لا تـكـبّـر خـطـرهـا داسـهــا
والضعيّـف جنـبـه مامـعـه حيـلـه وحـيـل=رافـق اللـي قـد سبـح بالبحـور وقاسـهـا
واشهد ان ضعيّف النفس مايصلح عميل=والضعافه عنـد نـاسٍ ضعيـف احساسهـا
مابغي النفس الضعيفه ولا الرجل الذليـل=كــل ماجيـنـا نـســوي جمـيـلـه حـاسـهـا
افتـخـر فــي عـاقـل مايـعـيـل ولا يـمـيـل=خطتـه لا مـن رسمـهـا يـعـرف قياسـهـا
يحتمـل طـول المسافـات والخـط الطويـل=لا تعـكـر جــو نفـسـك يـزيـل عمـاسـهـا
الحكيـم اللـي علـى المعرفـه رايـه دلـيـل=مــن رجــال بالمـواقـف قـــويٍ بـاسـهـا
اشهد ان الظلم والخوف والحـال الهزيـل=حاجـة تثـر علـى النفـس فـي مجلاسـهـا
واشهد ان الصبـر زيـنٍ ولـه وزن ثقيـل=مزبـنٍ للنـفـس لا مــن كـثـر هوجاسـهـا
ليت بعض الناس حـرفٍ نزيلـه بالمزيـل=من حروف تنمسح لا انمسـح قرطاسهـا
ماتصيـر الحنظلـه مثـل شكـل الزنجبـيـل=لـــو تـغـيّـر شكـلـهـا ماتـغـيّـر سـاسـهـا

المشاركة الأصلية كتبت بواسطة محمد.الودعاني (المشاركة 590820) صح لساانك ولسان شااعره يابو مطر ,لاهنت على القصيده الجميلة . تقبل مروري

المشاركة الأصلية كتبت بواسطة عاشق هريسان (المشاركة 590898) صح الله اللسانه أبيات جزله جدا وفيها كثير من الحكمه ذوق وانتقاء أكثر من رائع الله يبيض وجهك ياخميس أمتعتنا بهذه القصيده لاهنت

المشاركة الأصلية كتبت بواسطة ناصر فهد الدوسري (المشاركة 590951) صح لسانك وصح لسان شاعرهاُ وقصيده كاايفهً وجزلهً وبيض الله وجهك يا ابو مطرُ لنقلها هناُ ولآهنت

المشاركة الأصلية كتبت بواسطة ابو حسين الدوسري (المشاركة 590969) لاهنت يبو شيخه كل الود والتقدير

المشاركة الأصلية كتبت بواسطة خيالية (المشاركة 591226) صــح الله لسان الشاعر ولساانك يعطيك ألف عافيه

المشاركة الأصلية كتبت بواسطة دغش محمد الصخابرة (المشاركة 591228) صح لساانك ولسان شااعره يابو مطر ,لاهنت على القصيده تقبل مروري