سؤال
 

السلام عليكم ياشباب

كيف الحال


عساكم بخير


عندي سؤال ، قريت بأحد المنتديات بيت عن الدواسر ، في قصة الخلاوي وابن اعريعر


مخيلة البروق = موسعة الخروق


ويقصد بذلك الدواسر

فما معنا البيت


وشكراً

يا هلا باخوي يحيى الودعاني



بالنسبة للقب مخيلة البروق إذا ما كنت غلطان فاللقب الصحيح هو =مخايلة البروق



و هو يعني أنهم يخايلون ينظرون للبرق أين جهته و إذا نزلت الامطار ذهبوا لها


و أنا بنيت كلامي على بعض القصيد سأذكرة لك :


قصيدة شاعر بن قويد :


ننطح شباها و القبايل شهودي & و إن ( لاح برّاق ) من الوسم زرناه


و قصيدة للشاعر مبارك بن قويد :


( نخايل ) برقها و نسري و كم شيخٍ سببنا زال & أخو جازى إلى ذلّوا تطابق قولي الأفعال


و بالنسبة للشطر الثاني ماني متاكد منه و أظنه موسعة الخروق أي موسعة الطعن و القتل في

العدو


و إذا كنت غلطان يا ليت تصححون لنا ....


وتقبل فائق تقديري و احترامي / مترك المسعري .....

تسلم أخوي مترك ، وبيض الله وجهك ماقصرت .

لاهنت اخوي يحيى الودعاني على استفسارك اللي في بالي اسأل عنة من زمان
وانا اضم صوتي مع رأي مشرفنا الغالى مترك المسعري لان اللقب يفسر نفسة
واذ فية احد من الاخوة ادارة المنتدى او الاعضاء يعرف شىء من سوالف او
قصائد شعراء الدواسر او غيرهم مايدل على ذلك اللقب انة مايبخل علينا
ولا هنتوا جميع
## ابن حويل ##

مرحبا بخوي ابن حويل

عزالله أن كلامك أبمحلة

ياليت من عنده معلومات من الشباب مايبخل علينا ..