انا البارح حريبن للرقادي=جفاني النوم عن جفنيّ غادي
طرالي هاجسن واشغل خيالي=وقام الجاش يقدح كالزنادي
يذكرني قديمن قد تعفى=لكن القلب في ذكراه عادِ
بعدما جملة الحيين ناموا=اشد القاف وابنيله عمادي
بيوتن قاعها جوف الضماي=ومسكنها تجاويف الفؤادي
اضمنها جديدات المعاني=بنات الفكر من صلب اعتقادي
وبسم الله ابدا واتوكل=على الله كافلي رب العبادي
عسى ما اقول ما القاه ضدي=بيوم الفصل والميزان بادي
اسج الرجل في دنيا عريض=فساح ٍ ما تحدد با متدادي
ومنها ما نفعني جبت صوبي=سواه اترّكه هو شرّ زادي
اشوف ان المصايب لو تتالى=عبر يا سعد من منها استفادي
واشوف الصبر وان طال وتعدى=طبيب للبلايا ذا وكادي
من اول يا عرب تشرى النصايح=لكن اليوم ضاربها الكسادي
تسمّع يا فهيمٍ ما اقوله=نصيحة للحواضر والبوادي
حلال الرزق وان شابه حرامٍ=كبستانٍ تغشاه الجرادي
وترى المعروف ان ما صار باهله=يعود نقمةٍ ما به مفادي
مثل من يزرع صباخٍ بحنط=يطول الدهر ماعين حصادي
بصدري هم اعياني احتماله=قضى صبري ولا عندي مدادي
عن الاوطان في غربة طويل=عليه طال بيني وابتعادي
غريب الدار ما يهنى بعيش=كمسجونٍ حبس حبس انفرادي
تكمل ما نظمته من ضميري=بقيفانٍ تعبر عن مرادي

:
:
مما راق لي