::: مـنتدى قبيلـة الـدواسـر الـرسمي ::: - يا كثر الاصحاب يوم اللعب

- :: قسم الـشعر العــام :: (http://alduwaser.org/vb/forumdisplay.php?f=16)

- - يا كثر الاصحاب يوم اللعب (http://alduwaser.org/vb/showthread.php?t=49177)

يا كثر الاصحاب يوم اللعب

السلآم عليكم ورحمة الله وبركآته

يا كثر الاصحاب يوم اللعب والدشره
يوم الملاهـي تـدوّر مـن يلهيهـا

واليوم لا عاد لا خـوه ولا عشـره
الله ولا رفقـة هــذي تواليـهـا

ناس مع المصلحه عشره على عشره
وان حدك الوقت حدة لـك جنابيهـا

اللي حياته مـع البيلـوت والنشـره
واللي يحب الدشوش ولاهـيٍ فيهـا

واللي على الخط دايم فاغر الكشـره
سمّاعته طـول ليلـه مـا يوطّيهـا

واللي مزاجه مع القصات والبشـره
ماله هدف والنصايـح مـا يدانيهـا

واللي مع الناس لا يفقه ولا يشـره
شقراً مع الخيل لا هجّـت تباريهـا

ذي عيّنه في شباب اليـوم منتشـره
عسى الذي جابها من الارض يمحيها

اهل المصالح معرّفتهـم كماالقشـره
لا نظّف الراس بالصابـون ينهيهـا

هـذا كـلامٍ علينـا واجـب نشـره
وما تحرق الجمره الا رجل واطيهـا

وسلامتكم

http://www.kshmlk.com/vb/u3853-albums247-pic1727.jpg