كب المعايا وباب المعرفه صكه=وخل الفعايل لاهلها ياكحيلاني
حنا كما السيل من جاء فنحره دكه=خطلان الايدي وملفا الخايف الجاني
يشهد لنا من جلا بالخوف من مكه=ويشهد لنا ضرب حد السيف شاماني
يوم أن بعض القبايل تبغي الفكه=من جمع جيش الشريف اللي لفا عاني
حنا هل النصر والقيمان مشتكه =وحنا دوى العين للي كان عمياني
قبايل في صحاري نجد مصتكه = من حد يام جنوب لدار ركاني
يفرح بنا من لفانا والدهر ضكه =معاد ينشد من الاقصين والداني
وصكوكنا يوم كل قاطع صكه=بالسيف والرمح نأخذ زين الاوطاني
والشعر ماكادني حبكه ولا سبكه=في مدح تاج الفخر خطلان الايماني

المشاركة الأصلية كتبت بواسطة عبدالله بن فهد (المشاركة 564989) قول وفعل ياكحيلان وكفو والدواسر يستاهلون ذا وأكثر وصح الله لسانك يابو سالم انت رمز الابداع والشعر الحقيقي وعذرني ان خانتني العبارات