بسم الله الرحمن الرحيم

غلاء الاسعار

قالو لي(الراتب نزل)قلت وش عاد=ينفد خلال اربع وعشرين ساعه
فوق السماء رازق وفالارض حساد= وللسعر طب وللاوادم اشاعة
تبغون معنى راتب الشخص لازاد= معناه باب(ن) فك لاهل الطماعه
اهل الطمع تسرق على روس الاشهاد=وكلن يقّّّيم سلعته من ذراعه
الكون واسع حسب تقرير الارصاد=هذا خبر بثوه عبرالاذاعه
قلت اللهم تجعل الوسع يزداد= لو؟ان مالي حاجة(ن) فاتساعه
يضيق فينا الكون لاجات الاعياد=ويضيق لاشفنا وجيه الجماعه
شحت مواجيب الكرم عند الاجواد=يوم الغلا ميّل عليهم قناعه
ان طق باب البيت زاير ونشّاد=مانفتحه وليا فتحنا ؟؟؟؟ براعه
حل الايجار وجاك راعيه سرداد=يبغاه لاحلت عليه الشفاعه
اعطيه والا اعطي هوامير الاقصاد=والكهرب الملعون خطر انقطاعه
لاجيت ابرقد بين تفكير وجهاد=اسمع صياح الورع قاض(ن)رضاعه
تكفا يا(بومتعب)ترا حيلنا باد=حنا بدجا ليل(ن)كلتنا سباعه
تجارنا للحسد والكذب رواد=لو ودهم؟ كان اقلبوها مجاعه
حقوقنا توخذ على غش وعناد=ونقول للطماع سمع(ن)وطاعه
شكيت للغش التجاري ولافاد=ولانفع حتى وزير الصناعه
نبغى امر مرسوم في لهجته حاد=يهدف الى تحديد سعر البضاعه
تكتب عليها السعر من قبل الامداد= اسعارها تطبع عليها طباعه
نبغى انتهنا بعيشنا قبل الالحاد=وراع الطمع يغنيه كنز القناعه
ومثلك (يابومتعب) زعيم امة الضاد=عالي وشعبه يفتخر بارتفاعه
ابوك ضل اجدادنا وقت الاجداد=واليوم حنا في ذراكم وداعه

بقلم الشاعر/عبدالرحمن العقيلي

المشاركة الأصلية كتبت بواسطة شيهانه بكف صقار (المشاركة 564573) قالو لي(الراتب نزل)قلت وش عـاد****ينفد خلال اربـع وعشريـن ساعـه اي والله صادق الاقساط والديون الي عايشين عليها الناس مارحمت حد الحمدالله على كل حال ..والله الرازق قصيدددة واقعية تحكي واقع مر نعانيه نسأل من الله ان يحنن اولي الامر على الشعب واوضاعهم الف الف شكر ع المشاعر الطيبة والاحساس بالواقع الاليم راقت لي كثييير وصح الله لسانك حتى ترضى احترامي وتقديري لك عاطر التحايا~

المشاركة الأصلية كتبت بواسطة خميس مطر الغييثي (المشاركة 564609) بصراحه جيت اقتبس بيت ولا وجدت شي اقتبسه كل بيت اجمل من اللي قبله صح لسانك واعتلى شانك ,,على قولتهم حبكة معلم,,والجزل لا ينطق الا جزل لك مني صادق الاعجاب والتقدير لشخصك الكريم

المشاركة الأصلية كتبت بواسطة شافي النتيفات (المشاركة 564749) صح لسانك ياعبدالحمن العقيلي قصيدة جزلة واجتماعية وتحكي عن معاناة حقيقية هكذا الشعر دمت مبدعاً

المشاركة الأصلية كتبت بواسطة محمد مبارك ماجد (المشاركة 564755) أخي الحبيب / عبدالرحمن العقيلي أسعد الله جميع أوقاتك قصيده رائعه وجزله إضافة ً إلى أنها تعالج مشكلة ُ تعني بأكبر شريحه في المجتمع وقد تذكرت أبيات لأحد الشعراء / محمد عبدالله الحنايا حيث قال جانا المعاش وكن مابه معاشي @ تقاسموه اهل الطلب بالإداره قالوا بقاش وقلتنا مابقاشي @ أسمه معاش ولا يسمى تجاره تقبل مروري مع خالص التقدير

المشاركة الأصلية كتبت بواسطة نايف الخييلي (المشاركة 564863) صح لسانك على هذه القصيده المعبّره والله وحده هو اللى يزين الحال وييسر على عباده قصيده رائعه واعجبتني

المشاركة الأصلية كتبت بواسطة محمد بن سالم الخضراني (المشاركة 564966) الشاعر عبدالرحمن العقيلي صح لسانك ولاهنت وبيض الله وجهك على القصيده التي تحكي عن حال كل فرد من هذا المجتمع

المشاركة الأصلية كتبت بواسطة محمد بن حمد الشكرة (المشاركة 564973) الشاعر عبدالرحمن العقيلي صح لسانك ولاهنت وبيض الله وجهك على القصيده التي تحكي عن حال كل فرد من هذا المجتمع