::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - قصيدة بالجيب الشاص (http://alduwaser.org/vb/showthread.php?t=48774)

قصيدة بالجيب الشاص

هذه قصيدة بالجيب الشاص

مادريتو عن مزاجي ويش خشه
...................................... موتر حبه مزاجي ورغبة

شاص أبيض من هقى به مايغشه
..................................... منوة اللي شاف خله ونهبه

منـوة اللي لامشى شماغة يطشه
..................................... سايقة في كل مرقاب شعبه

ماحسب للحمل لو زادو بقــــشه
..................................... وإن لقى الناشب على الخط سحبه

لاسرى بالمطر ثم زاد رشــــــــه
..................................... مادعس له بالفرامل وكربــــــــه

شغل مساحته ثم قامت تمشه
.................................... ويتلامع بالمطر تقل ذهبـــــــــه

كل ماقدام صدامه يقــــــــشه
.................................... بالرفارف والتواير وشنبـــــــــــــه

لانزل صدره على قشع يحشه
.................................... حش منشار يحش له خشبــه

الكفر ماوقف السايق يفــــشه
................................... وجاء لسواقه على كيف طلبــــه

لازم خشمه لاظهر حزم يدشه
................................... وان حداك السيل بالليل اسربه

وسلامتكم

رد: قصيدة بالجيب الشاص

شكرآ على القصيده

رد: قصيدة بالجيب الشاص

لاهنت يا ماجد
قصيده جزله
صح لسان شاعرها

تحـيتي..

رد: قصيدة بالجيب الشاص

مشكور على القصيده
انا اشهد ان الشاص موتر

رد: قصيدة بالجيب الشاص

اسلم اسلم اسلم والله يماجد اشهد بالله انها كايفه

يعطيك العافيه يذيبان

حالص التقدير

رد: قصيدة بالجيب الشاص

لاهنت ياماجد على نقل وصح لسان الشاعر/مرير الحبيل العتيبي فقد ابدع في هذه الابيات

لك الشكر والتقدير

رد: قصيدة بالجيب الشاص

صح لساااانك ولسان شاعرها...

رد: قصيدة بالجيب الشاص

صح لسانك وصح لسان الشاعر
وبيض الله وجهك على النقل