بسم الله الرحمن الرحيم

السلام عليكم ورحمة الله وبركاته ..

في منتصف رمضان الماضي . اصدر الملك عبدالله بن عبدالعزيز قرار بتأجيل الدراسه الى وقت معين بتاريخ معين .

ثم أصدر الامير نايف بن عبدالعزيز قرار بمنع السينما . واإيقاع اشد العقوبات على من يتعدّى أمره

والكثير من القرارات ., والغريب انه لايوجد احد تعدىّ على هذه الاوامر او خرقها .

غير كذا .. انه من الصعب في بعض الحكومات .. ان يقوم المواطن بسبّ وشتم الملك او الرئيس او السلطان

لان ذلك قد يعرضه لما لا تحمدعقباه.

واليوم ..

يأتي الامر من فوق سبع سماوات ..من الواحد القهاّر . ملك الملوك ..

ويُستهزئ به .

لقد امر الملك القدوس سبحانه عباده فقال ( وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ)

ثم قال سبحانه {يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنْكَرِ}

حقيقةً كثر .. الاستهزاء برجال الهيئه . والحاق السباب والشتائم عليهم . ومافيه احد ما اعجبوه الاعتهيئه الا اكيد فيه شي مخربينه عليه ..

يعني ياجماعه الامر مايتعلق بانه واحد وّقف اوتابعني وخرّب علي .. بل الامر اكبر من ذلك ، كونه أمر من الله سبحانه وتعالى .

وكلنا نعرف ايام الابتدائي هالجمله (طاعته فيما امر . واجتناب مانهى عنه وزجر )

ندخل عاليوتيوب نلاقي مقاطع استهزاء بالهيئه .واللي على باله مسوي انه يعابط ويرفع صوته عليهم ويقول وش تبون ووو . بل وصل الامر للبنات انهم يتريقون عليهم .

ياجماعه هذولي جايين ينصحون وينهون عن منكر .الله سبحانه يقول ( ولاتطرد الذين يدعون ربهم بالغداة والعشي )

يعني امرين من الله سبحانه وعصيناه فيها .انه مانطرد اللي يدعون اليه، وانه لازم نأمر بالمعروف وننهى عن المنكر .

واحنا يالضعفاء نسوي انفسنا امام لين وعطف وهدوء وسماحة رجل الحسبه ابطال .

لاتقول والله بعضهم ملاقيف . او طريقته غلط او او او .

هذا المدرس او مدير المدرسه او غيره، اسلوبه قد يكون عقيم شوي او بايخ او يمكن ماعنده اسلوب .وبالاخير تصير غصب مقتنع من سماجته اذا كنت تشوف، وتسلطّه عليك .
يعني ليش رجال الحسبه غير ؟

وبالمناسبه مافيه خبر واحد ينشر باي جريده ضد الهيئه يصير صحيح ؟

لاني اقدر اروح للجريده مثلا الرياض او الوطن او عكاظ بحكم الاتفاقيات الاجراميه بينهم . واقول صار لي موقف مع الهيئه وابي تنشرونه ..

تدري وش يسوون لك الجريده ؟

يحطونك بافخم مكتب وينزلون لك اكبر محررّ . ويجيبون لك هدايا اشتراك بالجريده مجاني شوي ان ما وظفوك عندهم . بس تعال اشتك الهيئه .

عليهم لعنة الله .

خلونا نكبر عقولنا شوي ونعرف احنا وش عليه .ندري وقد مرّينا بموقف ان الهيئه تكون مكروهه اذا جيت بكلم بنت او برقمّ بنت. او بدخل عندها او غيره من البلاوي .

ويكفيهم شرف ومكانه إن في الجنة حوراء يقال لها العيناء إذا مشت يمشي عن يمينها و يسارها سبعون ألف وصيفة و هي تقول أين الآمرون بالمعروف و الناهون عن المنكر


ماقالو وين رئيس تحرير جريدة الرياض والا من البطل الي قاعد يرفع صوته ويعارض الهيئه

احنا بالشر والشي اللي مش زين متسرعّين ومافيه احد احسن منّا .

والا لو تبي تقول لاحد ناخذ جوله على مستشفى النقاهه او نلف على الاحياء الفقيره نوزع عليهم شوي رز وكم ريال

صار مثل بل جيتس ماهوب فاضي ومشغول ويعطيك مواعيد سراب .

الشاهد .

الامر اخطر من ان الواحد يلتفت له مجردّ التفاته .. لانه امر من اوامر الله . المفروض يكون لزام علينا اتباعه.

لكن اعيد واكرر واقول احنا في زمن ايمان الواحد فيه ضعيف واولكم أنا

والسلام عليكم ورحمة الله وبركاته

اختي خياليه لاهنت على الاضافه الرائعه ويعطيك العافيه وانشاءالله يرفع كلمه الحق والله مع الحق باذن الله .

محمدالخمااسين

بارك الله فيك اخوي ولاهنت
ورجال الحسبه والله ان لهم فضل كبير يعجز القلم واللسان عن احصاءها
ولكن الله يوفقهم ويسدد خطاهم

الله يجزك خير ولاهنتي على المرور ويعطيك العااااافيه ع الاضااافه .


محمد الخمااسين

الله يعاافيك ولاهنت على المرور وبيض الله وجهك.

محمد الخمااسين

الله يجزاك خير ابو مطر ولاهنت على المرور والاضافه الراائعه والله يعطيك العافيه.



محمد الخمااسين

جزاك الله خير حناان الوله ولاهنتي على المرور ولاضافه الراائعه ويعطيك العااافيه.


محمد الخمااسين

والله هذي شهاده نفتخر بهاا اخي ناصر .لاهنت ع المرور ويعطيك الف عاااافيه .

محمد الخماسين

ااامين يعطيك العافيه ابو فلوه على المرور وبيض الله وجهك.


محمد الخمااسين