::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي .. (http://alduwaser.org/vb/showthread.php?t=47838)

سعد بن سويحل الخضران 21-01-2010 09:52 PM

مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 

هاذا مطلع القصيده



سر ياقلم واكتب على بيض الاوراق = أترك هزيل القول وأكتب نضيفه
دام القلم بين البنانين ينساق = خل القلم يكتب على كيف كيفه
أكتب لأبو نواف هو عز الاصداق = وقله ترا صاحبك وقته يخيفه
وقتن يخلي بعض الاشخاص ينعاق = وبعض البشر يمطر عليها خريفه
خطوى الرخوم اللي تشلق تشلاق = لانافعً(ن) ربعه ولا منه خيفه
وبعض العرب خطرً(ن) يشيبً(ن) الارماق = والوقت فوقه جاردً(ن) حد سيفه
والرزق عند اللي خلق خلقه أطباق = نحيي العروق الهامده بالحتيفه
يامناور الجمعان لاشفت الاشراق = الليل ولا واقبل الصبح طيفه
بسوقها للي له الراي ينساق = طلبت رايك يامهلي بضيفه
ياللي لعسرات التماثيل عشاق = الشعر مايصعب عليك تعريفه
الشعر بين الناس مختلف الاذواق = وابيات شعرك يامناور ضريفه
أحس قلبي كن به صوت دقاق = ورا الضلوع العوج يزعج رجيفه
وأقبل تحياتً بها الطيب ينساق = وسط المجالس للوجيه الشريفه
وصلات ربي عد ماناض براق = برقن من المنشا ينوض بقنيفه
على النبي اعداد ماهل دفاق = وختمتنا ماقلت فوق الصحيفه


--------------------------------------------------------------------
وهاذا رد الشاعر مناور العنزي .. ورد على القافيه وأهمل الوقفه ..




سر ياقلم بالطرس يوم الفكر راق = بين الثلاث اللي لعدلك موازين
أكتب على ماريد باللي لنا لاق= أكتب جميل القاف لاتكتب الشين
الشين شيني وتنبذه كل الأخلاق = والزين جايز في جميع القوانين
نبي نسوق القاف بالفكر ينساق = وناخذ ونعطي مع جالٍ عزيزين
قافٍ بلا تركيز ينعد منعاق = يلقونه النقاد وسط الدياوين
أبيات ابو سلطان جزلات الأرناق = عنده بصوغ القاف قدره وتمكين
أبيات ممتازات دون بالافاق = شاعر قديم وماضيٍ له براهين
يامرحبابه عد هيضات الاسواق = واعداد حجاج لبيته ملبين
وأعداد ماهز الهوى خضر الأوراق = والشكر والتقدير من خاطر(ن) زين
من ناحيه الارزاق من عند خلاق = ناسً(ن) غنيين وناسً(ن) مقلين
الله هو اللي يافتى الجود رزاق = رزاق بالاسباب بالعسر واللين
وتقول بعض الناس كاذب وهلاق = خله على كيفه تسوقه شياطين
خلك عن الرديان في راس عملاق = مرقب حرار ماتجيه المساكين
سجها مع البران عن كل نقاق = وبعد عن اللي يلتفت لك بوجهين
وأختم جوابي بالتحيه والاشواق = والمعذره ياشوق من تدعج العين


هاذا رد الشاعر مناور العنزي .. مترخ بـ 1 \ 9 \ 1423 هـ

ابو زابن المسعري 21-01-2010 10:50 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
صح الله السانك

بيض الله وجهك

على هذه القصيده الجزله

وصح الله السان العنزي

ولاهنتوا جميع

محمد بن حمد الشكرة 21-01-2010 11:46 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
صح الله السانك ياابن سويحل

وبيض الله وجهك

على هذه القصيده الجزله

وصح الله السان العنزي

ولاهنتوا جميع

ابو فهد الغييثي 21-01-2010 11:49 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
صح الله السانك

بيض الله وجهك

على هذه القصيده الجزله

وصح الله السان العنزي

ولاهنتوا جميع

حفيد الأمراء 24-01-2010 05:11 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
شاعر الجزلة(أبن سويحل)

أرحب عد نجوم السماء

وأرحب عد ذرات الرمال

صح لسانك وأعتلا شانك

وبيض الله وجهك على القصيدة الجزلة

وردك الرئع على الشاعر العنزي

وعزالله أنك بيضت وجيه الدواسر جميع

والجزالة في قصيدك

ويشهدبها الشاعر العنزي

وشهادة الأجناب أعظم شهادة

وأختتم بها


أبيات ابو سلطان جزلات الأرنـاق=عنده بصوغ القاف قدره وتمكيـن
أبيـات ممتـازات دون بـالافـاق=شاعر قديم وماضيٍ لـه براهيـن
يامرحبابه عد هيضـات الاسـواق=واعـداد حجـاج لبيتـه ملبـيـن
وأعداد ماهز الهوى خضر الأوراق=والشكر والتقدير من خاطر(ن) زين

ناصر بن فهد 29-01-2010 07:08 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
.
.



صح لسانكُ
وصح لسانُ العنزيُ
وبيض الله وجهك على القصيده الطيبهٌ

فارس الدبالين 31-01-2010 09:54 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
ابن سويحل

صح السانك على الجزاله

وصح السان رفيقك العنزي

تقبل التقدير.

سعد بن سويحل الخضران 19-02-2010 09:00 PM

رد: مساجله بين سعد بن سالم سويحل الخضران وبين احد الزملاء ويدعى مناور بن جمعان العنزي ..
 
اقتباس:

المشاركة الأصلية كتبت بواسطة ابو زابن المسعري (المشاركة 553656)
صح الله السانك

بيض الله وجهك

على هذه القصيده الجزله

وصح الله السان العنزي

ولاهنتوا جميع


شكراً لك يابوزابن على مرورك العطر وعباراتك الجميله ..

تقبل تحياتي ,,


الساعة الآن 06:49 PM

Powered by vBulletin® Copyright ©2000 - 2025, Jelsoft Enterprises Ltd.
---