تعالي اظمك غلا يانوير =انا من الهجران والشوق مليت
ضمت غلا عبر الزمن تنتنير =اتغيض وتحرق قلوب الشماميت
ولاني بعن سكت غرامك مغير =وقعت فوق اعقود حبك وأمضيت
ماعندي استعداد كل حين اغير =يامملكة حبٍ بها غصب حطيت
طبعي كذا والطبع ماينتغير =لو كان عن طبع الوفا ما تخليت
ماني بدنيا الحب عاشق صغير= على عروش الود همت وتعليت
مثل سماة الدين في وجه خير=واشبه شروق الشمس لا من تجليت
فيني قصيدٍ لا نضمته يحير = تبكي حروفه لي صدور التناهيت
واليا بغيت اكتب شعر ماتحير= دمي بشعري ساير عصير شربيت
وماني ترى بمقام شعري قصيرر= يلعن ابو غيرك شاعر ذايع الصيت
بعلا فضا الأبداح أحلق وطير =واليا بغيت اصعد بشعري تعليت
ولن كان ماتدرين شاعر منير=وارش حشرات الشعر نوب بفليت
اظنها تطير تذلف تغير =واليا ذلفت عني بها ماتشقيت
عمر البلا مايبتلي غير خير =وانا بغرام البيض عانيني ابليت
سبحان من يغير ولا يتغير = اسجد لوجهه كل مذن وصليت
تبغين علم الصدق أنا أمري محير =لني إليا حبيت يابنت حبيت
تعالي اظمك غلا يانوير = مادام باقي بي مشاعر ماجفيت
لرضاك ياعمري وربي لسير =بعذب حروف الشعر من حيث ماجيت

المشاركة الأصلية كتبت بواسطة راشد المسعري (المشاركة 552258) المبدع محمد الجبريني صح لسانك وسلم فكرك شاعر مبدع دائما يامحمد والله يحييك اليوم ودوم معنا ياغالي تقبل ودي وتقديري ،،،،

المشاركة الأصلية كتبت بواسطة ابومبخوت الشكره (المشاركة 552284) صح لسان يامحمد

المشاركة الأصلية كتبت بواسطة ناصر الفصام (المشاركة 552336) الشــآعر المبدع :محمد الجبريني وصح لسانك وبيض الله وجهك ولاهنت على على القصيده الوافيه

المشاركة الأصلية كتبت بواسطة محمد مبارك ماجد (المشاركة 552418) صح لسانك واعتلى شانك أبو مبارك

المشاركة الأصلية كتبت بواسطة بدر بن صقر العجالين (المشاركة 552701) الله الله ياقوي الشكيمة:) والله يصلح نوير هههه صح الله لسانك يامحمد المبدع.. لي الشرف في متابعتك وتم تقييم القصيده:) تقبل تحياتي،،

المشاركة الأصلية كتبت بواسطة متعب الصخابره (المشاركة 555420) صح لسانك وبيض الله وجهك