::: مـنتدى قبيلـة الـدواسـر الـرسمي ::: - قولو معي يالله عسى حائل السيل

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - قولو معي يالله عسى حائل السيل (http://alduwaser.org/vb/showthread.php?t=47404)

قولو معي يالله عسى حائل السيل

السلام عليكم

للتواصل احبابي والمعذرره

مدخل

قولو معي يالله عسى حائل السيل=أهل الكرم والعود والبن والهيل
وأهل الشحم ومبهراة الفناجيل =زانت علوم الشعر في مدح حائل

الله الله

يهل حائل مشفتولي خليل = مر من عندكم رايح شمال
حدني يهل حائل .. عنه سيل= وقدرة الله ملي فيها مجال
ناعس الطرف ابو رمشٍ ضليل= لفي رمشه على خده ضلال
وجسمه الناحل اللي مستطيل =وين اعين عشيراً له بدال
منه كني على جمر المليل= لامشى وأشقر الجدلان مال
راح مني وانا بالعين أخيل = فالسما للبروق وللخيال
قالو السيل حذرا لاتميل = ومثل هاالسيل والله مايمال
قلت يالليل يامطولك لليل = افزعو واقطعوني يارجال
اقطعوني الى حد المسيل =يارجال الكرم لو بالحبال
عانو الزين أبو رمش وجديل =حدني زينه على حد الهبال
قالو اركد ولك عشره مثيل = وترك التهلكه يبن الحلال
حيل ربي تعلا كل حيل= اقلط اقلط على شقر الدلال
مالك أبطردة المقفي حصيل =خذا كلامٍ ميقبل لحتمال
قلت مدامها بنٍ وهيل = أنشرح لي ترى مليون بال
والله اني من الحجم الثقيل =واني أرجح بعسراة الثقال
وامس يضحك عليه من غليل = عبد ماله عمام ولا خوال
وابك انا ياولد ( شاعر حليل) =غصب عنك بلاشك وجدال
منت قادر على شعري تعيل = مير سدي تريح فى الظلال
كان عينت لك فيت مقيل = كب لي بشتها ولبس العقال
سيف شعري ليا قرع له صليل =وانت مافيك شده للقتال
ولا لدمك ترى فينا فصيل=لم.. لم.. الحطب وأرع الجمال
وكان من رعيت اللبل مستقيل =دج عن صدرة اللبل والحلال
ياهل حايل هل المجد السليل= ودي اخص سمحين القبال
المراجل ماتنخى الا النبيل=شمر محنيت روس السلال
شمر أهل الكرم زبن الدخيل =أهل حائل عن العالم لحال
شمر أهل الوفا وأهل الجميل =الكرم مندبل فيهم دبال
مالهم بالكرم ند وقبيل= طي حاتم كريمين السبال
فعلكم بان بالوقت البخيل =كم ضرب بالكرم فيكم مثال
من زمن حاتم الطي الطويل =والكرم باقيٍ فيكم لازال
نجمكم بالكرم عانق سهيل =بدر كامل على مر الليال
مايبيله شهود ولا دليل = الزمن شاهد عليه بكل حال
وعذروني على المدح القليل =مدح شعري بكم عيا يطال
لانكم معتلين المستحيل =وذكركم زاد عن شمخ الجبال
والله اللي على كل شي وكيل = الله يعزكم رب الجلال
وخاتم القول ذكر اللي فضيل = ربنا اللي عليه الأتكال

وسلامتكم

مخرج

ياديره العز ماعمر الذهب يحلي=دايم بريقه مبين الحلي يبقابه
لوني وحلياي مثله والذهب مثلي=واثنيننا بالوزن والشكل نتشابه