اليا طرى عنتر وابو زيد والزير= يطرى على راعى الجزيلة مناحي
يالقايد اللى قايدن للطوابير =جيت المراجل من جميــع النواحي
يابو محمد ماحصل من تقصير= برقن تلالا بالمخيـــلة ولاحــــي
الخير يذكر صاحبة دايم بخير= نورة مثل نور القمر يوم لاحي
مثلى يدور رفقتك والمناعير= لوطالت المدة وطال السماحي

ودك الى راجعت مركز حكومه =تلقى مديره بالعمل كنه بداح
ابن دهيم اللي تنومس علومه =تجيه ضايق بال وتروح مرتاح
طيّب ونفسه للمراجع رحومه =بالطيب علّق له نياشين واوشاح
واليا لبس تاج الشرف مع نجومه =تفتح لك الابواب من غير مفتاح
من لابة ٍ عند الرجال محشومه =اولاد زايد مهدية غال الارواح
لاجا نهارٍ فيه بيعه وسومه = تعرف مواقفهم الا صاح صياح
اقولها والطيب تعرف سلومه =على النقا ما هي هرابيد مزاح