انتحا الغيم عن وجه الصباح السعيد=واقبل النور يضحك والظلام انجلا
ولج صوت البلابل بين خضر الجريد=وابتسم شايبٍ من عام صابه بلا
وانكتب للفعايل فجر يومٍ جديد=وانفتح للاماني باب قدم الملا
وصوت طويق عنى يابيوت القصيد=وانشرح صدر نجد ورددت ياهلا
ياهلا ياولي العهد شوفتك عيد=من كثر ماتكن صدورنا من غلا
مرحبا يامكرهنا بمد الزهيد = مرحبا يامعودنا صعود العلا
ومرحبا يارصيد اللي ماعنده رصيد = ومرحبا ياذرا الملهوف والمبتلا
مرحبا وانت من حط المراجل عبيد =ومرحبا وانت ومجاد الزمان ازملا
سيدي .. دوعتي ياجعل عمرك مديد=طلتك قالت لحزن الليال : الخلا
سيدي .. دام ذكرك في لسان الوليد=وكم دعالك امام المسجد اليا تلا
غيبتك علمتنا كيف شوق البعيد=وجيتك طمنت شعب البلاد وسلا
المحبة تضخم والمشاعر تزيد=والنوايا مغاتير(ن) ماهيب شعلا
تدمع العين فرحة .. والكلام الاكيد=كلبونا ما غيرنا شعار الولا
في غيابك طمع في الدار ملعون سيد=جاهلٍ مادرى انا في الحروب اجهلا
ضربنا فوق راسه لان منه الحديد=لين حصل من الاحزان شرب وكلا
كان صدره من الاحقاد قيح وصديد=صدرنا من صعاطير الرجال امتلا
انشدوا يوم وقفنا وقلنا النشيد=كم مجاريح في صفة وكم اقتلا ؟
يصغر الموت في الاعيان والمستفيد=ان من فعلنا عاشت سباع الفلا
دون حد الوطن ينسى الرشاد الرشيد=مانعرف المراره .. مانعرف الحلا
نملك الدين والحكمه ورايٍ سديد=عارفين العميل اللي وراه اعملا
ودام عاد الامير اللي بفعله نشيد=اشرق النور والحاسد بنار اصطلا
مرحبا يالامير وشوفتك يوم عيد=وكل شعبك يبادلك الغلا والولا

سلطان المسعري

والنوايا مغاتير(ن) ماهيـب شعـلا

سلطاااااان
صح الله لسااااااااانك مدد وبليأ عدد
شاااااااعر ومخبووووووور نفداااك
جزل والجزالة من راسن جزل (ماشاءالله عليك)
والحكي اللي ملحه فيييه سلّم الله منطووووقك يا سلطان
سعدت بمروري المتواضع عسى الله يسعد ايامك..