::: مـنتدى قبيلـة الـدواسـر الـرسمي ::: - يافطرت الأسلام يامعدن الوفاء= أمت نبي سنته يقتدابها

الشاعر //سمره بن عايض بن شديد آل ذهيبان آل حميد الدوسري, شاعرمعروف غني عن التعريف هاضت قريحته متأملاً في الحياة وتصاريفها فقال: هذه الأبيات الجميله أتمنى أنت تنال رضى الله أولاًوأستحسانكم ثانياً,يقول فيها:::

بديت باسم الله وعبرة ماطرى=هواجس بالصدرشرعت بابها
ماكل من جاب المثايل عدلها=يجيب لولها بواقي غيابها
ديرة في الدنيا وشفت أنقوصها=غدارة بالوقت مايرهابها
ماينعرفلي وجهها من قفاها=وإن ناحرت يسرعها بانقلابها
دنياك لازانت تراها مغره=تضحك معك وهي قضوع بنابها
دنياك ماتنفع ولوهي غنيه=والياصفت لك فالنكد في عقابها
لازخرفت لك وأنورت مستحيله= شنت عليك الصبح غارت اركابها
وإن ذقت حاليها فلابد يافتى= تسقيك شربات النكد في شرابها
كم فرقت قدامنا من قبيله= هذا تغدابه و الآخر زهابها
كم صفت من قبلنا بيحتهم=أذكارهم بلا مواري ترابها
دنياك ياغافل تراها دنيه=لابدماتشكي عثايرخرابها
تمشي على الهون باللين والقسى=تفرق الأحباب هي وأحبابها
كم فرقت بين الحبيب وحبيبه= ماهمها الَرحال ولامن بكابها
مابينت حرب ولاشالت العصاء= تمشي على الهين وتطوي اكتابها
عندي نصيحه للقلوب الفهيمه=أوصيبها شيابها مع شبابها
الحج والزكاة مع بر والدك= والصوم والصلاة مايرتخابها
تم الوصاياالخمس ياعبد وأنتبه=الله فرضهاوالنبي وصابها
يسعدبهامن قام فيهاوألتزم= يامربح الي تمهاوأعتنابها
وأمانتك بالموس حثرى تخونها=أشفق على لحيتك من عيابها
عزاللحاء من عزأهلها وعزها= من صانها يوم الحساب نجابها
ياعيب تجلدها وتمشط شاربك =ذي سيرة الله مايرضابها
وباقي النفايل غيرها محبوبه= نفايل يرجى من الله ثوابها
لاعلق الميزان وأحصوه بالعدد=والنفس سيقت صوب سايراحسابها
في يوم ماينفعك مال ولاولد= يوم الشفيع يقول نفسي هبابها
أحدتخيل منزله في االجنه=وأحد نصى ناريهول ألتهابها
رفع القلم كل تناول كتابه =أحد نجى وأحدهلك في ضبابها
اللي كتابه في يمينه ناجي= واللي ورى ظهره تلقى عذابها
وين الشباب اللي يحب الجنه= أبناء الرجال اللي يرد النبابها
أهل المراجل والكرم والشجاعه=وأهل الفعول اللي يتم الوفابها
يافطرت الأسلام يامعدن الوفاء= أمت نبي سنته يقتدابها
العزعزوالمهونه هينه=ومن هان نفسه للدناعه رضابها
ياخيبته لاقيل هذي سيرته=وأفادته تقرى وكل حكابها
حدوه بالحديد يدافع البلى= مثل البهيمة هانته مادرابها
نادوله الجمهور حتى تكوموا = وقرواعليه أفعاله اللي مشابها
عزي لخوه ووالده والقبيله=لاقيل عند أمصيبته ويش بابها
تكدروا منها وشانت وجيهم =والنجس نجس مايحسب أحسابها
وأمه توجد كبح الله وجهه=وتهل دمع العين مماجرابها
يالله يالمطلوب ياقابل الدعاء=أنصرحمات الدين وأصلح شبابها
أنصر أولات أمورنا ويسرأمرهم= اللي مناهيج الشريعه مشوبها
وأختام قولي لاإله إلا الله =على النبي صليت بالمنتهابها