|
الطايلـة فيهـا خذوهـا آل زايـد
الشاعر الكبير عبيد بن حمدان ابن عجعج الودعاني رحمه الله من اهل الفرعه شارك في كثير من حروب توحيد المملكه و هذه قصيده قصصيه من مما قاله في بعض المعارك التي دارة في جنوب المملكه
بدينا بذكر اللي رفيعٍ علـــى السماء = رفيعٍ رقيبٍ واحدٍ لا ثاني ربٍ تعالى لا إلــــــــــــــه غيــــــــره = سبحان من هو نزل القرآني عظيمٍ جلاله منشي الغيث والمطــــر = واللي علينا نوحد الرباني علينا صلاة الخمس ونحـــــــج بيته = وادا الزكاة وصوم رمضاني من قام بالمفروض وادا حقــــــــوقه = يفوز لامن نصب الميزاني يدخل ويشرب مـــــن نهور وكواكب = نهور وردها صادق الأيماني فيا مستجيب الـــــداعي إقبل دعوتي = عنا وعاونا على الشيطاني فلابد مايجـــــرى على العبد من زلل = والله كريم يمنح الغفراني ومن بعد ذا فيضت مكنـــون خاطري = مكنون أناشيد لهن أثماني فكــــــرت بالحاضر وعاينت مامضا = حنا نسير بقدرة الرحماني فاقول مــــن سوس مكين على الـعزا = يسير بيته عالي البنياني من ساس فكرى بابدع القاف والحنه = يوم إستوى لي بدعة القيفاني عزمنا بعون الله تحت راية العـــــــلا = مشينا بدبرة منزل الفرقاني مشينا من المطرح مع طالع السحـــر = مواترٍ واجيوش مع خيلاني ثم أذن المـــــــذن نصلـــــــي لطاعته = وبعد الصلاة تبايحو لخواني تحرك المــــــــــوكب وسارت مراكبه = مواتر ركبوا بها الشباني قال الشويعر ياهــــــل الجيش حركوا = والخيل جالت وحتما الميداني فالذل مانجا جبان مــــــن القـــــــــدر = تحرصه مارد من عزراني خوض المعارك ماتجــــــــــي بالمنية = الحي حي لو بنار كاني منها نــــــزلنا ماحــــــــد خان واجبه = وردنا عليهم وردة الضمياني معنا شبات الحــــــــــرب فرد وخنجر = ومعنا الأماني سبرة العلماني يــــــوم إنتحينا فالبيارق تفـــــــــرقت = غربٍ وكثرتها نصا الضلعاني لــــــــــزمنا المحاجي وارتكينا لضدنا = ثم أرفع القايد لنا النيشاني هلل مهللنا ثم مشت بيارقه = من ولبنا شاف العدو خذلاني مــــــــاهمنا نار المـــــــــــكاين علينا = ومنا عليهم شبت النيراني لين أشهب البارود منا ومنـــــــــــهم = غطا السماء مثل الدخان القاني ماراعنا كثرة عددهم وجيشهم = بارادة الله طقوا العدواني لاشك يوم الحرب ما يسلم الفتى = من يقدم الهيجاء ينوش إسناني يوم الثلاثاء جعل ماعله الحيا = فرق بيومه غالي الخلاني لا وارفيق اللي غدا يوم وردنا = عساه ينزل روضة واجناني بعده طوال الليل ماذقت أنا الكرى = أبطيت أنا بعده وأنا مرضاني صباح حرب ماحد فيه يعتذر = كل ٍ بعزمه عاديٍ فتاني قمنا بهجمٍ كالأسود المهاجمه = حتى فتحنا مغلق البيباني فاللي قتلنا في حرض يوم وردنا = ألف وثماناً خليوا سدحاني واللي منعناهم وخذنا سلاحهم = تسعين شخصً كلهم شجعاني قفوا كما جول الحبارى مصدره = فان الحبارى ضدها العقباني قتل إشيوخ مايهابون ضدهم = بالكون نتلا سعود بن درعاني لا غارت الأصوات في كل معركة = لاذاك فراج بصوته باني فراج بن نادر تبين بفعله = يستاهل البيضاء الفتى الودعاني فحنا هل الردات يوم الدبيله = وآل زايد في اللقاء شجعاني هذى عوايدنا عوايد إجدودنا = ولا خير في هرج بلا برهاني يوم البلاء والموت حنت رعايدة = نطحه إرجال كلهم ضفراني باعوا أرواح غاليه دون حدهم = وأرواحهم باعوا بأعز إثماني كم واحد من وقعنا راح هارب = بامات خمسٍ شالعة لكواني ذيب يجر إعواه في كل مرقب = نبه إذياباً للعشاء جيعاني في ساعةٍ غيم سماها من الفشق = والرابح اللي صار فعله باني يوم التقينا عند ميدي مناطحة = والحرب يومه يشتغل دخاني بامره صليب الراس قايد إجيوشنا = سرن بعزم وهمة وايقاني فالله نصرنا وانتصر مجد عزنا = والشكر للمولى عظيم الشاني زانت لفيصل واستقرت بهمته = جته القبايل تطلب الأماني من بعد ذايا راكب فوق ضمر = أسبق من اللي ضف بالجنحاني تجعل مسير الخمس يوم على الرخا = ولا سربلت ماتملك الأرساني إتشوق الركاب واللي يشوفها = لامن عطت في صحصح دنداني تنصا لنا داراً عزيزاً نحبها = الوادي اللي شرقي الودياني ديرة بني عمي هل الجود والثناء = كسابة الناموس بالأيماني لا جيت ياركابها بك تباشروا = كنه عليهم ملفيٍ سلطاني أبشر بهيلٍ خالطه زعفرانه = واصحون برٍ فوقها خرفاني عاداتنا هذى وعادات قبلنا = مستقصر ماقلتنا بالساني سلم على من كان ينشد عنا = سلام تقدير مع حفواني الطايلة فيها خذوها آل زايد = ماقولها كذباً ولا بهتاني قول صحيح ماتغبا فعايله = يوم الجنايز في الضحا طيحاني ولا اغط فعل أحد ولا أقول ماحصل = الكذب عيب والصحيح إيباني تمت وصلى على سيد البشر = الهاشمي المبعوث من عدناني |
فـراج بـن نـادر تبيـن بفعـلـه *** يستاهل البيضاء الفتـى الودعانـي
فحنا هـل الـردات يـوم الدبيلـه ** وآل زايـد فـي اللقـاء شجعانــــــي هـذى عوايدنـا عوايـد إجدودنـا ** ولا خير في هـرج بـلا برهانــــــي أحسنت يا وجه ودعان أبيات طيبه وعلومك طيبه ومشاركاتك طيبه وأنا أشهد الله على محبتك ومحبت قلمك الفذ والنادر أسأل الله أن يوفقك ويقويك وننتظر جديدك الدائم المتألق |
فحنا هـل الـردات يـوم الدبيلـه=وآلاد زايـد فـي اللقـاء شجعانــــــي هـذى عوايدنـا عوايـد إجدودنـا=ولا خير في هـرج بـلا برهانــــــي تركي الودعاني لاشلت يمناك يالقرم على ماخطت يمناك ورحم الله الشاعر الكبير عبيد بن حمدان ابن عجعج الودعاني فلقد قال قولاً وافياً نسأل الله له المغفره والرحمه كما عهدناك ياذيبان متميز في النقل والكتابات المفيده لاهنت وبيض الله وجهك ياكحيلان عاطر التحايا محب الجميع : دغش البطي |
سلمت يمينك اخوي تركي على مواضيعك الرائعه
و ما قصرت .. |
تركي الودعاني
يعطيك العافيه ورحم الله شيبانك ويعطيك العافيه |
صح لسان الشاعر بن عجعج.
والنعم والله بابن درعان وكذلك بن نادر , ولاهنت أخوي تركي على ذا القصيدة التي تبيض الوجه صحيح . وعز الله إنك مشرف المنتدى وزايده إشراق بمواضيعك المتميزة دائما . ومازلنا ننتظر منك الكثير . أخوك ......العقيد...... |
السلام عليكم ورحمة الله وبركاته
رحم الله الشاعر الكبير عبيد بن حمدان بن عجعج الودعاني.... وبيض الله وجهك ياتركي الودعاني وماقصرت وانا حبيت اشارك بهذي الابيات لان حقيقه القصيده وافيه وتستاهل وقولن على فعل .....
سمعت قاف(ن) يـرفع الراس للعلا=قاف(ن) على فعل الشرف ملياني من لبت(ن) يشكي مـن الويل ضدهم=عـوق الخـصيم ومزبن(ن) للـجاني من شـــــاعـرن الله يجـازيه رحــمته=عبيد بن عجعج عمى العـدواني شفت الكلام اللي على الطيب شاقني=من سبته جريتنا الالحاني وســــــــلامتكم ......وتـحــــــياتي للجمـــيع |
الرائع تركي الودعاني الله لايهينك على ذا الابيات اللي تنومس وترفع الراس وفي الحقيقة فعلة الدواسر في جيزان وباقي مناطق المملكة الغالية على أيام توحيد هذا الكيان العظيم تعتبر مفخرة لكل الدواسر عامة.
ولكن اخوي الغالي هذا التاريخ والإرث العظيم يجب أن يخلد وأن تحفظ أسماء رواده وأنا ما أخفيك منذ مدة طويلة حاولت أسأل كثير من كبار السن ومنهم جدي الله يطول في عمرك وعمره وعمر القراء وغيره من الشيبان الثقات عن أبرز الشخصيات اللي كان لها باع طويل مع باقي أبناء عمومتهم في تلك الفتوحات ومعارك التأسيس التي خلدها التاريخ وتبين لي بعض تلك الأسماء في قصيدة ابن عجعج هذي اللي أنت نشرتها الله يبيض وجهك ومنهم : ـ في قوله: [سعود ابن درعاني ] وهو الشيخ سعود بن عماش آل درعان أمراء الولامين من الوداعين وكان أمير فرقة الدواسر في تلك المناطق وكان معه كثير من جماعته ومنهم المرحوم عبدالله بن صقر بن درعان اللي قتل الله يرحمه في تلك المعارك. وكذلك: [فراج بن نادر ] وهو الشيخ فراج بن نادر أمير آل حنيش من الوداعين أيضاً وكان معه أحد أخوانه وقد قتل أخوه هذا في تلك المعارك أيضاً. وفي قوله : [هلل مهللنا ثم مشت بيارقه] ويقصد بالمهلل هنا الشيخ مسرع بن سحيم من الضباعين المساعرة وهذا التهليل له قصة رواها لنا كثير من كبار السن وهي أن فراج بن نادر بعد أن قتل أخوه في أحد المعارك الشرسة وكأنه ظهر شيء من الانكسار للجيش وبعد مقتل حامل راية الدواسر ظهر شيء من الارتباك عليهم وأخذ ابن نادر يزهم ربعه الدواسر على وجه العموم وبعد أن استمر الحال على ما هو عليه قام ابن نادر وخص مسرع بن سحيم بزهمه خاصة فأخذ مسرع الراية واحتضنها ورفع صوته بالتكبير والتهليل وأخذ يتقدم مستمراً في التهليل والتكبير وقال كلمة مشهورة عنه [ حسبي الله عليك يابن نادر لا والله إلا ذبحت آل بوسباع ] لأنه كان معه مجموعة من ربعه آل بوسباع واستمر على هذا الحال حتى كتب لهم نصراً مؤزراً بفضل الله. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ هذا بعض مما حصلت عليه بعد جهد من البحث والتقصي وأتمنى من كل قلبي أن لايبخل علينا كل الأخوة الذين عندهم شيء من التاريخ المجيد لأحد من أبطال قبيلتنا الذين ساهموا في توحيد هذا الكيان حتى يوثق ويحفظ من الاندثار. وللجميع مني كل الحب والسلام عليكم. |
صح الله لسان القايل وسلمت يمين الناقل تركي الودعاني بيض الله وجهك يابن العم على ماتنشره من قصيد وقصص تنومس وهذا ليس بمستغرب على أمثالك يالقرم لاعدمناك ولا عدمنا مواضيعك الشيقه تحياتي لك ،،، |
اقتباس:
بليهي الودعاني يسعدني مرورك يالغالي |
تسلم أخوي تركي وبيض الله وجهك
|
اقتباس:
|
رحم الله الجميع
|
رد: الطايلـة فيهـا خذوهـا آل زايـد
لاهنتوا علي مروركم
|
رد: الطايلـة فيهـا خذوهـا آل زايـد
الطايلـة فيهـا خذوهـا آل زايـ=ماقولـهـا كـذبـاً ولا بهتـانـي قـول صحيـح ماتغبـا فعايـلـه=يوم الجنايز في الضحـا طيحانـي تسلـــــــــــــــــم يمينك علي النقل والله يرحم شاعرهـــــــــــــــــــا |
الساعة الآن 05:31 AM
 |
Powered by vBulletin® Copyright ©2000 - 2025, Jelsoft Enterprises Ltd.
---