يا مداهيل الغياب ويـا السنيـن المجرهده=حد علمي يوم اسولف للمساء والليل سـاري
شي تنزفه الحروف وش فا الاعمـاق اعـده=بين بياع السنين المقفيـات وبيـن شـاري
يا خفوقٍ ما استـراح وبيحـت دنيـاه سـده=صار كاتب للجروح وصـار للونـات قـاري
بين خوف وبين امان وبين حب وبين صـده=والوكاد انه على درب المواجع صار ضـاري
الفراق امسى طفل دمعته تجري فـوق خـده=ما يمسحها يكود الوصـل لا هّلـت عبـاري
راحت الدنيا علـى الفـال القديـم الله يـرده=يوم كان الطيب والمعروف فا الطيب مـواري
كانت قلـوبٍ تحـب وجلهـا فيهـا المـوده=عكس ذا اليوم القلوب رماح وسيوف وشباري
وقتنا مثل البحر مـا تعـرف لجـزره ومـده=مكتسي فيه البخيل وراعـي المـدات عـاري
آه يا قلب وصل نزفـه مـن الاعمـاق حـده=احد ما يدري واحد عن علتك يا القلـب داري
فيك يا قلبي جـروحٍ فـا المحانـي مستعـده=جرح مستل له سيف وجرح متعلّق سـواري
واهني اللي مـن الايـام شوفـه مـا يلـده=في متاهات الطريق ولا طرى له كـل طـاري

المشاركة الأصلية كتبت بواسطة ناصر الشريف (المشاركة 506614) راحت الدنيا علـى الفـال القديـم الله يـرده=يوم كان الطيب والمعروف فا الطيب مـواري كانت قلـوبٍ تحـب وجلهـا فيهـا المـوده=عكس ذا اليوم القلوب رماح وسيوف وشباري