يطويك يا جرد الشعر حرف واحساس = با الكلمه الجزله وصدق المعاني
لا باح سد الفكر دقيت الاجراس = من قاصي اعماقي لداني كياني
للشعر عندي ياهل الذوق مقياس = اقطف جزيله كان حرفه دعاني
ارقى بحرفي با الفضا مثل قرناس= عشر القوافي ما تعود ثماني
اورثه بالطيب ناسٍ بثر ناس = بين القلوب وبين عوج المحاني
اعيش به لا هب با الليل نسناس = والجدي لاستوحش سهيل اليماني
اورده عبره تضيق بها الانفاس = وانهل من الونه وجرح الزماني
ما ورده للهزل ودروب الادناس = ماني بناصر كان يخطي لساني
واحشم لساني عن مجاراة الانجاس = اللي على هزل الكلام تحداني
يا سامع امثالي ترى العرق دساس = لا تصحب اللي صحبته شقلباني
صحبته مثل الرمل في حمر الاطعاس = ما ينعرف له من مكان لمكاني
صاحب وسيع المعرفه طيب الساس = عند القسى واللين ذرب اليماني
لا جاء عليك من الدهر هم واتعاس = مكسبك فا الدنيا وكرت الضماني
وصف الذهب ماهو بقصدير ونحاس = الفرق واضح لك عيانٍ بياني
اقولها من بعد ما شَيب الراس = من دنيةٍ عنها الطريق يحداني

المشاركة الأصلية كتبت بواسطة خميس مطر الغييثي (المشاركة 490186) ناصر صح لسانك واعتلى شانك قصيده رائعه بيض الله وجهك

المشاركة الأصلية كتبت بواسطة ابو ثمام الدوسري (المشاركة 490188) الله الله الله الله كفو يالشريف كفو شاعر وكرم منسب صح لساااااااااااااااااااااااااااااااااااااانك

المشاركة الأصلية كتبت بواسطة دغش محمد الصخابرة (المشاركة 490189) ناصر صح لسانك واعتلى شانك قصيده رائعه بيض الله وجهك