الله يوفق كل من رام المعالي واجتهد = والكايدة ياكودها والهينة ياهونها
ومبروك ياعبدالعزيز الله يكافيك الحسد = الله يجنبك النفوس المبغضة وعيونها
وجعل السعد في وجه من سمي على عمه سعد=اهل الوفا لا خيب الله كدها وظنونها
انشهد انك ماغويت الاسم وابلشت الولد=والشجرة الحسنة تغذي بالعروق غصونها
واخوك ياعبدالعزيز ان قلتلك مثل الاسد=فاعرف ترى لا قلت انا كلمة باوقف دونها
انا اشهد إن له هيبتن في مجتمعنا والبلد=مثل الاسد في هيبته كل السباع تصونها
شيخ يعمد الكايدات وله مقام معتمد=اليا انحنت بعض الظهور ولاصقن بطونها
مفراص ماص مخلص اللولاس حلال العقد=اليا تساوت جمرة الوقفة على غليونها
رفاي خلات الرفيق ولايبينها لاحد =ماهوب عكروب يدرج للفتن طاحونها
سعد سعدنا لاصدر نصدر ونارد لا ورد = موفي شروط المرجلة ومواكب قانونها
عون الرفيق اللي عليه الوقت حبل من مسد= اللي ديايينه توثق بالصكوك ديونها
وعوق الخصيم اللي يدور للتحدي والنكد=كم من ن رجال عاصر فكبودها ليمونها
عليه سيما الخير واهل الخير والخيرة بعد=عاقل ومتواضع ووقفاته فريد لونها
اليا عطاه الله عطا ويجود لامنه وجد=متن تعلق به زحازيح ياقو متونها
دامه لنا موجود يزرع له مواقف ونحصد=ياهني عين بالمعزة كحلن جفونها
ذا واعذروني ياعجالين تنومس في الهدد=يالعزوة اللي تشكي العدوان حر طعونها