::: مـنتدى قبيلـة الـدواسـر الـرسمي ::: - غصب اضحك غصب افرح .. ولكن الجروح كثار

- :: قسم الـشعر العــام :: (http://alduwaser.org/vb/forumdisplay.php?f=16)

- - غصب اضحك غصب افرح .. ولكن الجروح كثار (http://alduwaser.org/vb/showthread.php?t=39836)

غصب اضحك غصب افرح .. ولكن الجروح كثار

غصب اضحكـ غصب افرح,ولكن الجروح كثار
احاول ابتسمـ امرح " وصوت الحزن يرثيني

تهيج بداخلي عبرهـ اعالجها مع الاسحار
امد كفوفي لـ ربي وسوااد الليل يخفيني

تعلمت الصبر لكن بدا بداخلي ينهار
سقى ذاك الزمان اللي دموعي تحتضن عيني

تصب مجرى الدموع وضاق صدري والسنين اقدار
كفايه من جروحي بس ودمعي اليوم يعصيني

انا يا صاحبي ما جيت ابث الهمـ والاسرار
ولاني قادرهـ احكي وش اللي هو مضايقني

خذيت (العهد) من نفسي اموت ولا اقول شي صار
تعلمت اكتم " العبرهـ" ولله ارفع ايديني

تعلقت برجا رب عزيز قادر جبار
وعانقت الرضا لكن ..مع ضيقه تلا زمني

الا ياصاحبي بالله لا تزعل ولا تحتار
ولا تنشد عن احزاني ولكن .. لا تخليني

طلبتك كان لي خاطر دعاء بحزة الاسحار
انا اشهد بالدعا والله حس انك تواسيني