::: مـنتدى قبيلـة الـدواسـر الـرسمي ::: - عند الدواسر مرحبا يالمناعير

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - عند الدواسر مرحبا يالمناعير (http://alduwaser.org/vb/showthread.php?t=39456)

عند الدواسر مرحبا يالمناعير

السلام عليكم

اسعد الله جميع اوقاتكم بكل خير

مبروكين على كرسي الدواسر فى مجلس الامه الكويتى واللى يمثلنا فيه الدكتور بادى بن حسيان الدوسرى

وهذى القصيده القيتها امام الحشد الكبير فى مقر الدكتور بادى اتمنا انها تحوز على الرضي

صلو على النبي

\
\

يامرحبا فى جمعكم يارياجيل =والله يحييكم على البن والهيل
والعود الازرق حقكم ياجماعه =من عقبها دكو على فطح الحيل
عند الدواسر مرحبا يالمناعير =عداد وبلن سيل القاع تسييل
يامرحبا ترحيبتن ترفع الراس =فى جمعكم والكيف وسط المعاميل
لجل التحالف فى محل الصداره =فعلن تشوفونه ولا فيه تضليل
الدوسرى والهاجرى والعتيبي =مع المطيرى كمل الطيب تكميل
الحلف حلف الطيب والعز والجود =جمع القبايل مثل الطيب تمثيل
منهو يمثلنا غدينا حزامه =وعصابته فالراس للحط والشيل
اربع زحازيح وتمثل قبايل =الكل منهم فالمواجيب حلحيل
الكل منهم يقدح الطيب راسه =مشكل ونوامس الرجال المشاكيل
كلن يمثل للمواقف قبيله =متوارثين الطيب جيلن بعد جيل
ويمثلون الدار واللى سكنها =عند الحقايق كاشفين الاباطيل
الله يسدد فالهدايه خطاهم =بجاه من نزل على الذكر جبريل
والله يوفقهم على الخير والبر =ويجعل منافعهم من النور قنديل
فى موجبات الدين والنفع شامل =يالله انا سالك دمر اسرائيل
هذى بدايه منعطف فالقصيده =من موجبات اللى يصوغ التماثيل
نبغا مرشحنا كما السيف مصقول =ماينثنى قدم السيوف المصاقيل
يعنى ليامنه تحمل قضيه =يذود عنها ذود مايبرد الحيل
دستورنا يكفل لنا فالقوانيين =رقابة النايب على كل تحليل
مانطلب التأزيم نبغا التفاهم =على سياق الود مايبخس الكيل
يحكم المنطق على كل دعوه =من مبتدا حسن النويا من القيل
حتى تجى فالقابليه طروحه =وصوت المواطن وصله خير توصيل
ونبغا التكاتف فى حلول القضايا =السلطتين اخوان فالصبح والليل
نرفض ونشجب منطق العنف والصوت =نبغا التفاهم يغلب العنف والويل
حتى تسير امورنا فالسهاله =ولا تصير امورنا فالتساهيل
حنا نبي منكم مواقف تشرف =تعدلون المنحرف خير تعديل
لجل الكويت اميرها والقايده =عند الامير مجمل الدار تجميل
اميرنا عز الوطن والمواطن =راعي الكويت وخيرها والمحاصيل
صباح الاحمد جعل عمره طويلي =يبرك على الحمله كما يبرك شعيل
ولى عهد الحكم نواف الاحمد =عضد الامير مجمل الدار تجميل
من عقب هذا شكرنا للقبايل =والحاضره والكل من دون تقليل
مبروك فوز الحلف مبرورك مبروك =ودى نقلد ربعنا فالاكاليل
مطير حمران النواظر هل العز =معنا على حد الفخر يالمجاميل
وعتيبه الهيلا ليا صاح صايح =تارد على عد الضما والمناهيل
وهواجر وقحطان انعم واكرم =قروم القبايل فى جميع التفاصيل
وربعى الدواسر بين زايد وتغلب =خطلان الايدى فالمراجل مكاميل
حنا ذرى يذرى من الخوف والجوع =مثل البحر ولا سواة الاساطيل
نحنو العرب نحنو الاكارم ونحنو =قومً تعدا موقع الجدى وسهيل
تفرق مواقفنا ويفرق ولدنا =الدوسرى مشكل مواقف وحلحيل
صلي الله وسلم على من هدانا =صلو على الهادى وزيدو التهاليل

وسلامتكم

ارجو من الاخوه المشرفين التنسيق مع خالص الشكر