::: مـنتدى قبيلـة الـدواسـر الـرسمي ::: - لوزاد برق الليل يبقى هوالليل

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - لوزاد برق الليل يبقى هوالليل (http://alduwaser.org/vb/showthread.php?t=39075)

لوزاد برق الليل يبقى هوالليل

هذه قصيده قلتها حينما ظهرت مقولة الشعر التقليدي
ارجو ان تنال اعجابكم

برق سرى يلمع على صفحة الليل =ماظن يمحى لون سود الليالي
غنيتنا من ظيم بقعا مواويل=يامال يادانه ويالال لالي
وكلمتنا القمرا وعانقتنا سهيل=وشربت من الأقدار مر وحالي
وصفقت لمهرج وضويت قنديل=واثبتنا في كل فن مجالي
وحاولت اعدل لوحة الرسم تعديل =واثر الحبر نسج السنين الطوالي
ما يمسحه طامس وفرشه وتظليل=ساعات وايام وسنين طوالي
وعاندتنا وقتي بصبر الرجاجيل=لو كان مالي من رفيق موالي
لوكان انا رجلي وهو راكب خيل=عليه انا اكبر من عظيم الجبالي
صحيح انا شاعر مميز على الجيل=شعر على شعر جدود وخوالي
وعندي حصانة دين ذكر وتهليل=وما اخشى الزمن لوكان بلا لحالي
بس لانظرت عيون سود مظاليل=عزي لحالي رحت عزي لحالي
يا فاتنة قابيل في قتل هابيل=يا مملكة بلقيس واعتى الرجالي
يا اعظم سحر بابل بكتب التراتيل=يا طاعة الاديان خلق ودلالي
من مبسمك ينشي سحاب المخاييل=والوادي المبطي من السيل سالي
والى مشيتي وسط غابات ونخيل=مدت عليك اغصانها بالظلالي
حتى القمر والشمس والنجم ياهيل=من فوقنا في عاليات العلالي
كلن يبي يقبل مواطيك تقبيل=يحن مشيك فوق حمر الرمالي
افرح لشوفك فرحة البدو للسيل=او فرحة المدمن لخمر زلالي
اقسم بربي ميت فيك بالحيل =غالي وغالي وان ماقلت غالي
بالاختصار المختصر دون تطويل=غرام حب ام لصغير العيالي
في حبكم صنفت ضمن المهابيل=قيس الملوح وابن ناهش التالي
لاضمنا المجلس بزين التعاليل=اهرب ممن الواقع لدنيا خيالي
وافكر اني وسط جنات واميل=حورية قدمي نتيجة اعمالي
فلا فاقت السكره الى الوضع تخييل=والله يرحم شايب قد دعالي
ابوي وصاني مع العدل والميل=اترك دروب العشق واهل الضلالي
لو زاد برق الليل يبقى هو الليل=لو زاد يبقى لون سود الليالي