::: مـنتدى قبيلـة الـدواسـر الـرسمي :::

[SIZE="5"]

يقول الشاعر محمد بن عبدالله المعجل :

واهني من نسل بدران ربـع لـه ===مايظام الجـار والجـار بدرانـي

لا بة تمشي علي الحـق والملـه ===جارهم من بينهـم تقـل سلطـان

لابة في الكون ماتطـري الذ لـة ===كل واحد في القا يسبـق الثانـي

لاتناخوا واعتزوا واجملـوا سلـة ===من وقف في دربهم راح هميانـي

ال زايد ذخرهم فـي اللقـا كلـه ===ولاتفرق بين عامـر و ودعانـي

بيرق واحد يسـرون فـي ظلـه ====من ربي نجد الي ظلـع نجـران

انشد التاريـخ عـن دقـه وجلـه === لدواسر فعـل فـي كـل ميـدان

شيخنا صقر الجزيره عضود لـه ===مخلصين له علي طول الأزمـان

مايعرفـون الخيانـات والـذلـة ===يرخصون الروح من دون الأوطان

كل ماقلتـه فالاخيـار كفـو لـه ===ومن سمعني قال ماهوب غلطـان

جودهم للظيف جود علـي حلـه ===يرخصون الزاد والبـن والظـان

والختم صلوا علي صاحب الملـة ===سيد كل الناس عـرب وعجمـان

ومن مقتطفات قصيدة للشاعر عبدالله بن سعد بن عمار من شعراء ثادق والمحمل المشهورين :
أولاد زايد بين غرس مضلي === رجالهم درب الضفر ما يهابة

وحلالهم في كل ريع يفلى ==== والحرب إلى جت ضربة هم حرابة

وجيرانهم ضربة سيوف تسلى ==== لاجا لزومة فاجردة من جرابة

انشدهل التاريخ وأهل السجلى === وانشد هل المحمل ذياب الذيابة

اقول عنهم والدلايل تدلى === وابن عويدى2 قبل ما جبت جابة

يوم الجبالى3 للبيارق يقلى === والغزو فى ساقة ذلوله دبابة

وعبدالعزيز 4 اللي عدوه يولي === دايم ركايبنا تباري ركابه

لاجاه مندوب الجماعه يهلي === يمد له يمناه ياخذ كتابه

عساه في الجنات يا الله يا اللي === يا الله يا اللي ما بعد صك بابه

ارحم فقيد المملكه والمحلي === عبدالعزيز اللي ضناه اعتزى به

وأختامها على نبيك نصلي === محمد اللي صاحبوه الصحابه*

[/size]