متى ياعرب نمشي علـى راي بالاجمـاع=وحـنـا باياديـنـا نـفـرق تجمعـنـا
متى ياعرب نسترجع الماضي اللي ضـاع=وحنا السبـب فـي كـل شـى مضيعنـا
ليامتى ياعرب جسم العرب يشتكي الاوجاع=وحنـا بنـار الغـدر نكـوي مواجعـنـا
لأمر بعضنا نرفض ولأمر العـدو ننصـاع=نتواضع للأعـداء ولبعـض ماتواضعنـا
تعبنـا تعبنـا نطـرد المظهـر اللـمـاع=وعلى ركضنـا الفاشـل عدانـا تشجعنـا
تعبنا مـن التمثيـل والشجـب بالمذيـاع=ومن الشجب يااهل الشجب ملت مسامعنـا
كبيره كبيـره ياعـرب نشتـرى وننبـاع=وايـادي عدانـا لقتـل بعـض تصنعنـا
كبيره وحنـا اهـداف بمخطـط الأطمـاع=وعلى بعضنـا تظهـر وتكمـن مطامعنـا
كبيره كبيـره والكبيـره يصيـر صـراع=على يد بعضنا للأسـف صـار مصرعنـا
شرينا المدافـع ندعـي نقهـر الطمـاع=ولكـن نـدري موتنـا مــن مدافعـنـا
شرينا نهاية بعضنـا مـن يـد الصنـاع=وشرينـا الخيانـه والأمانـه لهـا بعنـا
غريبـه غريبـه مابنـا واحـد جــزاع=تمـوت الألـوف ولا تـذرف مدامعـنـا
اذا كان دم ابن العرب سـال منـه القـاع=ولامنه نجـزع ياعـرب وش يجزعنـا؟؟
فلا ادري ةلا ادري كيف نرقد ولا نرتـاع=رغم مانشوفـه نهتنـي فـي مضاجعنـا
ننـام ونقـوم وهكـذا يعـزف المذيـاع=ولاشي يشغلنـا سـوى الأكـل اذا جعنـا
كأننا نعيـش بكهـف مانعـرف المطـلاع=ونبـي ننتظـر لعـل الأقـدار تطلعـنـا
تلاشت عزيمتنا وحـب المظاهـر شـاع=بدايـة نهايتنا..حـيـاة بــلا معـنـى
رضينا الغدر منهج وسابق وفانـا ضـاع=وان كان ضيعنـا الوفـا ياعـرب ضعنـا
نسينا نسينا ديننـا ليـن صرنـا اتبـاع=ضعفنا ضعفنا والسبـب ضعـف وازعنـا
تعبنـا تعبنـا نحتـرق ياعـرب نلـتـاع=تعبنـا وملينـا مـن الـكـذب والتعـنـا
على فوهة البركان نصنع هدوء اوضـاع=شكت كذبنا اقـلام بكـت بيـن اصابعنـا
نبي نفرض الكذبه على الواقـع الملتـاع=وعلى صيغـة الكذبـه نبرمـج مطابعنـا
وعملنا لهـا تضخيـم حتـى خبرهـا ذاع=وسكتنا عليها واشتكـى الضيـم واقعنـا