جاريت قاف الهامـــلي يوم قزه =ياسعود طاب القاف من طيب معدنك
ياسعود كانك شفت في الوقت هزه =لازم تشوف اللي مع ايمنك وايسرك
والفرق واضح بين قـــــله ونزه =وعقلك بعد تمكين ربي يمكـــــــــنك
وموزع الارزاق ربـــــي منزه =احدٍ سكن بقصور واحدٍ سكن زنك
وأطيبهم اللي شيمته مستـــــأزه =هو الرصيد للمــــــــلايين في البنك
وعشق مع أهل الطيب لك فيه عزه =والا الردي بالشين لازم يلونــــــك
وتغانم الأرزاق والرزق فزه =وكثر التمادي للهدف مايمكـــــــنك
والصاحب اللي كلمتينٍ تهزه =وفت الشدايد مستحيلٍ يعاونـــــــك
وترى الضعيف أبليس دايم يوزه =ومقابلك بصدود يجلب لك التنــــك
والناس واجد وانت عينك تنزه = دور رفيقٍ يرفقعك مايطمــــــــنك