انااشهد ان العقل للرجل زينه=والرجل مايسوى بلياه مثقال
وجّدي على منهو تمسّك بدينه=يدي فروضه ويتصدق بالاموال
ولا اثر عليه الوقت زينه وشينه=يصبرعلى ماجاه من سو الاحوال
يصدق بمنطوقه ويوفي لدينه=واذا وعد ماينثني .قدّ الافعال
ولا اغترفي لمع الذهب مع رنينه=ولا ذل نفسه لاجلها عند الارذال
من هان نفسه عند غيره تهينه=لين يتعوّد سلك الادنين الانذال
وكم واحدٍ بالفعل يسوى مدينه=وكم واحد ٍ لا حدّ ماسيم بريال
واللي ليا من غاب نشدت وينه=غيره الى من غاب ماعنه يسال
يضفي على ربعه بعطفه ولينه=ذرا الرفيق وظل من ينشد ظلال
من عادته للضيف ذبح السمينه=عوايد اهل الطيب اشبارها طوال
ياحبني لاهل العقول الرزينه=و جعل السعد فال الخوي طيّب الفال