ياقلـب لا تكثـر عليـه اشطونـك=اشقيت حالي في سعاتك ورضـاك
لك مـدة ياقلـب كثـرة لحونـك=ولاني بوالله داري عنك وش جاك
ان طعتني فالنـاس لا يسمعونـك=واسمع كلام محب لك يوم وصاك
ترى العرب في سجتـك ينقدونـك=واستح من العاقل ولو سفته اغلااك
يلقلب حب النـاس لا يبغضونـك=واصب على الجاهل الامن تبـلاك
ومطـارد المقفيـن لايتعبـونـك=انسه مادام انه من القلـب ناسيـك
الناس سايرهـم ولـو يزعلونـك=واصبر على الجاهل ولو انـه اذاك
الناس سايرهـم ولـو يزعلونـك=واصبر على جارك ولو انـه اذاك
بالخير ملزوم العـرب يذكرونـك=ووزن قدم رجلك على قدرة اخطاك
واحذر تجي في مجلـس مايبونـك=لو كان فيهـم واحـد قـام حيـاك
واتعب لفعل الطيب للـي يجونـك=وعامل عميل الطيب بالطيب لاجاك
واصبر علي المقسوم والله بعونـك=ولابد ما تجري صواديف دنيـاك
وليا مشيت الدرب فتـح عيونـك=واسلك طرق الحـق وارب ياقـاك