::: مـنتدى قبيلـة الـدواسـر الـرسمي ::: - مغزى فدغوش بن شويه على الحراجين ومصرعه على يدهم

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

مغزى فدغوش بن شويه على الحراجين ومصرعه على يدهم

غزى الشيخ فدغوش بن شويه (سبيع) على الحراجين الدواسر وهم على (جوده)،وابلهم مصدرةٍ غرب المهم خذاها من المضماء.

وعوّد الي سلم من الرعيان وقالوا :البل اخذت امس.

قال الشيخ محمد بن ملحم أمير الحراجين:
وين البل راحت؟
قالوا الرعيان: سندت.
قال ابن ملحم: اركبوا ياحراجين مطلاباً مغزى، البل ماخذينها سبيع لو انهم مطرانٍ اشملت.

ردوا الجيش والي عندهم من الخيل وركبوا .
وقال ابن ملحم للعرب: ارووا لنا صماله(اي أسعاف).
لأنهم في آخر القيض وترى وعدهم الدهو (هجرة بن خليفه الغييثات حالياً)

فقال لهم بعض الناس:
انتوا خبلان البل ماخوذةٍ امس من المضمى بتستهلكون مالحقتوها,,,

سكت بن ملحم ومشوا ويوم جا يوم ثاني الظهر لينهم يشوفونها غرب( زباير المجدّر) في الدهناء. وامنين السبعان لأستحالة لحوق الفزاع قيض وأرضٍ بعيد.

درهم ابن ملحم يبي يخطم على القوم ولحقه( فراج بن عبود )

وقال: يابن ملحم لاتجي بين القوم وبين اهلهم خل للذال طريق .(الذال : الخايف)

المهم حولو عليهم وأول بندق في راس فدغوش بن شويه.(قُتل)

المهم جا بينهم طرادٍ انتهى بفك البل وهزيمة السبعان .

فقال عامربن راشد الحراجين الملقب بــ(وعلان)قصيده منها

حنا ((حراجينٍ ))على قطع الأرماس=نلحق ونفهق لو شبا القيض حامي
جذت معى مطلابنا كل عرماس=حتى لحقناها بموقف جهامي
مضرابنا (فدغوش) في جمة الراس=خلي طريحٍ فوقه الطير حامي
فلت ركايبنا مع الجو كناس=وكلن عبر معبار درب السلامي
هذي فعايلنا جدادٍ ودراس=كسابة الناموس في كل عامي

الله لايهينك يا ابوسعد

بيض الله وجهك

على كل السوالف والعلوم الطيبه


	بسم الله الرحمن الرحيم الباحث التاريخي والشاعر المبدع ابوسعد " مسعود المقيبلي" بيض الله وجهك على هذى السرد التاريخي لبعض تاريخ قبيلة الدواسر العزيزه منوفيك حقك يابوسعد فيما تبذله في هذى التاريخ الزاخر لبطولات وامجاد هذي القبيله العزيزه على قلوبنا منقول الى الله يعلي شانك ويرفع قدرك ويبيض وجهك والله يهنيك في عمرك ويجزيك عنا كل خير . وعزالله العزيز ان الحراجين اتنومسهم الواحد منا جعلهم المعزه تقبل تحياتي وتقديري واحترامي في شخصك الرائع. اخــــــوك / فــــــهـــــد الــــــغـــــريــــــري,,,

المقيبلي

اليوم يوم عيدي

كل العلوم الطيبه

عن الدواسر الي

براسي انزلت

وياجعل يمناك مايجيها العطب

مغليك ابو زيد

كفووووووووووووو الحراجين فعل يفتخر به الدواسر وبيض الله وحهك يابوسعد علي العلوم الطيبه

كفو بعيال الحريجي بدون قصور في سبيع الغلبا

لاهنت اخوي مسعود على ذكر هذه المعركة المشرفة

تقبل تحياتي،،

كفو يالحراجين ياعيال العم
وبيض اللة وجهك يابو سعد على سرد التفاصيل http://www.aldawasser.com/vb/uploaded/mm.bmp

قول وفعل بلاد الحريجي وعلومهم غانمه .

والله لايهينك يامسعود المقيبلي على سرد هذه القصه .

تحياتي لك .

مسعود المقيبلي

جعل يمناك مايجيها العطب ياكحيلان

فعل مشرف للحراجين يفخر به كل دوسري

بدون قصور في سبيع

عاطر التحايا

مسعود المقيبلي
الله يعطيك العافيه على السرد الطيب ونعم والله بعيال الحريجي قول وفعل

بسم الله الرحمن الرحيم
السلام عليكم ورحمة الله وبركاته
شكراً لك(( مسعود المقيبلي)) اخي على هذا القصة الرائعة جدااا
والشكر لجميع الاخوة الذين علقوا على القصة وأسال الله ان يرفع قدركم أجمعين.

الاخ مسعود لا تبخل علينا بالقصص التاريخية الجميلة.

ختاما"
اسأل الله ان يغفر لأجدادي لجميع موتنا وموتا المسلمين وان يتجاوز عنا وعنهم وأن يعاملهم بعفوه إنه جواد كريم.

سعد المقابله لاهنت على المرور وبيض الله وجهك

لك مني جزيل الشكر

اقتباس:

المشاركة الأصلية كتبت بواسطة فهد الغريري


	بسم الله الرحمن الرحيم الباحث التاريخي والشاعر المبدع ابوسعد " مسعود المقيبلي" بيض الله وجهك على هذى السرد التاريخي لبعض تاريخ قبيلة الدواسر العزيزه مانوفيك حقك يابوسعد فيما تبذله في هذى التاريخ الزاخر لبطولات وامجاد هذي القبيله العزيزه على قلوبنا مانقول الى الله يعلي شانك ويرفع قدرك ويبيض وجهك والله يهنيك في عمرك ويجزيك عنا كل خير . وعزالله العزيز ان الحراجين اتنومسهم الواحد منا جعلهم المعزه تقبل تحياتي وتقديري واحترامي في شخصك الرائع. اخــــــوك / فــــــهـــــد الــــــغـــــريــــــري,,,

فهد الفريري لاهنت على المرور والف شكر على الكلام الجزل

ابوزيد الغييثي

لاهنت على المرور الطيّب وجعل عمرك سنين

تركي الودعاني لاهنت وجعل عمرك سنين

وبيض الله وجهك