البارح الليـل ( غيـر ) ومختلـف جـوّه=لحظة قضا .( الدّين ) يـا ديانهـا . حانـت
يا ( بو مشاري ) بعد جعلك علـى القـوّه=بعض الوجيه ( انتبه ) منها ليـا مانـت !!
مشكور . يالبارق اللي مـا صـدق نـوّه=صحيح ما العن من الهقوه .. ليـا خانـت
ما عاد فيهـا حيـا وانعدمـت ( الخـوّه )=الناس جاهـا بـلا . ونفوسهـا شانـت
وانـا علـى فطرتـي . وان جيـت بمـوّه=( ملامح الوجـه ) لـو خفّيتهـا بانـت
والكلمـه اللـي بصـدري باقيـه جـوّه=اقول هانت .. وهـي والله .. مـا هانـت
دون الخوي مـا ذخـرت لوقتـي وسـوّه=شف وشكثر .. شالت متونـي ولا لآنـت
ارفا الخمل .. لا ظهـر . واجيـه وانـوّه=و ادفع ثمن ( غلطته ).. ما كنّهـا كانـت
واحطب له ظلوع صدري . لا طفت ضوّه=واجمّله .. وامدح علومـه .. ليـا زانـت
ما كنت ابي شي .. كان الدافـع . مـروّه=وعهود عاهدت فيها نفسـي . وصانـت
مانيب ندمان .. مير الجـرح يـا ( قـوّه )=عزاي ياكم رجال مـن ( الوفـا ) عانـت
يا صاحبي .. كان باقي لي طلـب .. سـوّه=اللي حصل شي عادي !! هقوه و خانـت
لا جيت ( بير ) الصداقه ( دمّه ) او ( طوّه )=هانت لك اشياء بس ( النفس ) ما هانـت