::: مـنتدى قبيلـة الـدواسـر الـرسمي ::: - هية الغييثات مع جيش ابن رشيد بعد مغزى شعبة نصاب

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

هية الغييثات مع جيش ابن رشيد بعد مغزى شعبة نصاب

أخواني الأعزاء الحقيقه هذه قصة ((مغزى شعبة نصاب)) و بعد إلحاح من بعض الأخوان الغالين أحببت أن أذكرها كما رواها شيبان الغياثات والقصه بالتفصيل:


	في قديم الزمان وعلى حكم محمد بن رشيد غزوْ الغياثات شمال على أهل شعبة نصاب وكان عقيدهم غفر بن مقيت آل نصَاروهو من أمراء الغياثات . المهم واصلوْ مسيرهم الغزيه حتى جاءوْ أهل الشعبة شعبة نصاب والشعبه يسكنونها قبايل شمر وحولوْ عليهم وكسبو أربع قطعان مغاتير ودبروبها مجانيب ومن لحقهم ذبحوه لين خلوهم القوم وإياها ويوم درى محمد بن رشيد أستشاط غضباً وجمع جيوشاً وخيولاً كثيرة وقيمانٍ لاتعد ولاتحصى من أهل الشمال وأبلغ أهل الرياض وأهل الخرج اللي هو منصوب إبن رشيد بالأستعداد للمعركه وسابقوهم الميراد على عد الثليماء جنوب الخرج وخيَم إبن رشيد ومن معه على الثليماء يحتري الغياثات. ويوم أقبلوْ الغياثات أرسلوْ رسيسه للخرج وخلَوْ الرسيسه ينصى محمد بن فوزان ويوم جاوه قال لهم الذيب في القليب محمد بن رشيد ماسكٍ لكم الثليماء يحتريكم ومعه جيوشٍ وخيولٍ لاتعد ولاتحصى ويوم رجع الرسيسه وأبلغهم تدارسوْ أمرهم بينهم ووضعوْ لهم خطه بأن يردون لين يظهرون على مخيم بن رشيد اللي على الثليماء ويشوفونهم ومن ثم ينكسرون ويستطردون لهم حتى يلحقونهم ومن ثم يناطحونهم ... المهم أتفقوْ على هذه الخطه ووردوْ الغياثات ويوم ظهروْ وشافوْ خيام بن رشيد كأنهم مايعلمون به إنكسرو بإبلهم وجيوشهم حادرين وهم هجيج حتى إنتصفوْ في الصلعة ويوم توسطوْ في الصلعة رجعوْ يمين مجانيب ويوم إعترضوْ للقوم وإيلا والله بيرق إبن رشيد معارضهم وراعي البيرق إبن غشيان يبون يخطموون على الأبل ... قال العقيد غفر بن مقيت لمشخص الفوارسه يامشخص وزَن على القوم كلهم وخص بالري محمد بن حمد الحطبه المواعزه ونفل بن خلف آل خلف المواعزه وأهل الذلول شعاله جهم وعصام الجباعين المواعزه وأخو شنفا مناع المناديع من غير قصورٍ في الباقين ولاأسقو ناسٍ واجد ومن ضمنهم فهاد بن خلف وقال فهاد أنا قاصرٍ يوم ماتسقوني مع المواعزه من الماء ،،، والله ثم والله ياواحدٍ يحول قبلي أن أجزم ظهره بالبندق ويوم لحقوهم القوم طمر فهادٍ الأول وعقر الأوله ويم عقرها وإليا والله ربعه محولين خلاف الدبش المكسوب كلٍ يرمي القوم،،، ولقد حصلت معركة كبيرة راح ضحيتها رجال وخيول وجيوش من قوم إبن رشيد وأعوانه ولقد أفتكوْ الغياثات كسبهم ذاك اليوم بدون أي خسائرٍ تذكرفي أنفسهم ويوم تنزحوْ ودبروْ على كسبهم وهم سالمين قال مشخص الفوارسه هذه الأبيات .

أول من طمر فهـــاد=يوم الذليل يخايــر

وحوَل نفلٍ ومحمـد=لين كثرت العثايـر

وأهل الذلول شعاله=ماهـابـوْ الذخايـــر

يـسـتاهـلون الـحـبة=حـبـة خديد النــايـــر

وسلامتكم جميعاً

محب الجميع : دغش البطي

بيض الله وجهك اخوي بوبطي على السرد الممتع والله لايهينك ولايهين اخونا مسعود المقابله وكلنا مكمل للآخر.

تقبل تحياتي،،

هايف العماني

لاهنت وبيض الله وجهك على المرور العاطر والمشرف

وأنا وأنت ومسعود وباقي أفراد قبيلة الدواسر مكملين لبعضنا

عاطر التحايا القلبية لشخصك قبل قلمك الرائع

محب الجميع : دغش البطي

كفووو ونعم وسبع انعام ببني عمنا من غير قصور في بن رشيد وقومه

وبيض الله وجهك يابو محمد على ايراد السالفه والقصيدة

دايم علومك غانمه ياذيبااااااان وعساك سالم وغانم

لاتبطي بجديدك يالقرم ،،،

كفوووووووووووووووووو في بني عمنا يفعلون اكثر وفخر لجميع الدواسر ودغش البطي بيض الله وجهك وسجل اعجابي فيك يالسنافي وكثر من ذا العلوم اللي تسر

والشكر لخوي بوسعد علي اجتهاده

استاذ دغش البطي
بيض الله وجهك
وياجعل يمناك مايجيها العطب


	بسم الله الرحمن الرحيم قالو هلا ألفين والفيـن مرحبـا=ياأهل الركاب اللي لفوا بحضورها الاخ العزيز الغالي والشاعر المبدع ابومحمد " دغش البطي بيض الله وجهك على هذى التوضيح يابومحمد جعلك تحيى ونعم ونعم ونعم ونعم ونعم.................. بالغييثات جعلهم المعزه وافياً وغالياً الله يجزيهم عنا كل خير في كل هيه لهم رمح. مواضيعك قيمه وطرحك شيق واسلوبك راقي يابومحمد. جعل من ارثك يابومحمد في الجنه . والشكر موصول لخوي ابوسعد " مسعود المقيبلي" جعله يحيى تقبل تحياتي وتقديري واعجابي في شخصك الرائع. اخوك / فـــــهـــــد الــــغــــريــــري,,,

اقتباس:

المشاركة الأصلية كتبت بواسطة أبوفهيـــد

أبو فهيد

مرحباً مليار × مليار بالرجال الأخيار

ماعليكم زودٍ يابني عمي وافينٍ جعلكم المعزه

وحظورك الطيب والمستمر دافع لي لتقديم المزيد

لاهنت وبيض الله وجهك وجعل من أرثك في الجنه

عاطر التحايا القلبية لمقامك العالي

محب الجميع : دغش البطي

اقتباس:

المشاركة الأصلية كتبت بواسطة تركي الودعاني

تركي الودعاني

أررررررررررررررحب يالقرم

ولاعليكم زوووووووووووووود وافين جعلكم المعزه

تسجيل إعجابك يزيدني فخراً وشرفاً

لاعدمتك يالسنافي

عاطر التحايا القلبية لمقامك العالي

محب الجميع : دغش البطي

اقتباس:

المشاركة الأصلية كتبت بواسطة ابو زيد الغييثي

استاذ دغش البطي
بيض الله وجهك
وياجعل يمناك مايجيها العطب

أبو زيد الغييثي

مرحبا بك يالقرم ملاييييييييييييييييين

مرورك ومتابعتك تسعدني وتعطر الصفحه

جعلك سالم ياسنايدي

ومن يقول يالقرم

عاطر التحايا

محب الجميع : دغش البطي

اقتباس:

المشاركة الأصلية كتبت بواسطة فهد الغريري


	بسم الله الرحمن الرحيم قالو هلا ألفين والفيـن مرحبـا=ياأهل الركاب اللي لفوا بحضورها الاخ العزيز الغالي والشاعر المبدع ابومحمد " دغش البطي بيض الله وجهك على هذى التوضيح يابومحمد جعلك تحيى ونعم ونعم ونعم ونعم ونعم.................. بالغييثات جعلهم المعزه وافياً وغالياً الله يجزيهم عنا كل خير في كل هيه لهم رمح. مواضيعك قيمه وطرحك شيق واسلوبك راقي يابومحمد. جعل من ارثك يابومحمد في الجنه . والشكر موصول لخوي ابوسعد " مسعود المقيبلي" جعله يحيى تقبل تحياتي وتقديري واعجابي في شخصك الرائع. اخوك / فـــــهـــــد الــــغــــريــــري,,,

يامرحباً تراحيبةٍ ترفع الرآس=بك ياعريب الجد وافي الخصايل

الأخ العزيز الغالي فهد الغريري

أبو هادي والله لو ماأكتب شيء تبقى غالي ولك مكانةٍ عاليه

جعلك ذخر وبارك الله فيك وفي حياتك ياكحيلان

الله لايهينك ويبيض وجهك على ماتكتب لي من مشاعرٍ طيبه

أعتز بها دوماً وأبداً

لاشلت يمناك وجعل من أرثك في جنة الفردوس الأعلى

عاطر التحايا لمقامك العالي

محب الجميع : دغش البطي

لاهنت ياذيب على هالعلوم اللي تنومس وعلوم الغييثات غانمه من اول وتالي

بن مشخص المسعري

لاهنت على المرور العاطر

بيض الله وجهك ياكحيلان

عاطر التحايا

محب الجميع : دغش البطي

ونعم بالغياثات

رافعين روسنا يالدواسر في كل محل

وفي كل هية لهم رمح

لاهنت ولاهان راسك يابوبطي

محمد الشكره

ماعيكم زود يابني عمنا وافينٍ جعلكم المعزه

وفعولنا وفعولكم وحده

وعلى ماقال راعي المثل طولة التميمي طولةٍ لي

لاهنت ياذيبان على المرور العاطر

تقبل الود والتقدير لاعدمتك

محب الجميع : دغش البطي