الحيـاه احـلام والعمـر مـره مايعـاد=ومن يعيش احلام عمره قضا عمره غرام
تدري ان الحلم نـوٍٍ كسـا جـو الفـواد=من ضبابه يحجب العين في وسط الغتام
بس فكر في حياتك على الواقـع وكـاد=وانتبه من دورة الوقت في جـو الغمـام
عيش وضعك مثل ماهو ولكن باجتهـاد=عـدّ ماهـو ينتعّـدا ولاتقفـا الـكـلام
حط رجلك فوق ماهو عرفت انه جمـاد=وانتبه من رقرق القـاع واحـذر للهدام
عايش الواقع بوضعه ولكن لـك مـراد=بالحلل والفكـر تقـدر توصـل للمـرام
لاتحمل كل وضعك على غيـرك نكـاد=وتعتذر في ماجنيته علـى العالـم دوام
من زرع يزرع ولكن بقا يوم الحصـاد=من زرع يجني ثمر خير والا له مـلام
لاتجي مثل آخـر النـار باقيهـا رمـاد=تصفقه صلف الهبايب ويجـلاه العسـام
وان عرض لك باخر اليوم ليلٍ له سـواد=اعرف ان الصبح نورٍ قفا ليـل الظـلام
كل كسرٍ من عنا الوقت له جبر وسـداد=ان جبر من عامه الحين والا عقب عـام
والنفوس اقسـام والطيـر طلعـه للهداد=قايـسٍ قـدر المسافـات كنـه بالنظـام
ومن يبي ياخذ سما الناس والسبع الشداد=عزتي له طـال ليلـه وحلمـه للعـدام
لاتهنـا فـي حلومـه ولاذاق الـرقـاد=مفلـسٍ بـاول حياتـه وتاليهـا نــدام
والحقيقه فالنهايـه تـرى الدنيـا نفـاد=مالـك الا ماكسبتـه ليـومٍ لـه مـقـام
وعزتي للي قضى العمر كلـه ماستفـاد=في حياته مر معها كمـا مـر الكـرام

والحقيقه فالنهايـه تـرى الدنيـا نفـاد=مالـك الا ماكسبتـه ليـومٍ لـه مـقـام
وعزتي للي قضى العمر كلـه ماستفـاد=في حياته مر معها كمـا مـر الكـرام

المشاركة الأصلية كتبت بواسطة حسن بن بطحيّه الودعاني (المشاركة 429587) صح الله لسانك مليون يامطلق. ارتويت شعرا بهذه الرايعه الله يكثرمن امثالك. انت شاعربمعنى الكلمه. وقبل الشعر انت انسان رجل لاعدو الرجال وهذا المهم تقبل مروري وسجل اعجابي الكبير بك وبماتكتب.. لك صادق الود..

المشاركة الأصلية كتبت بواسطة king (المشاركة 428197) صح السانك مطلق على الدرر ابيات شعريه مليئه بالحكم وتجربة شااعر ولاتحرمناااا تقبلني