::: مـنتدى قبيلـة الـدواسـر الـرسمي :::

يالله عليك /المغفره/ والمثوبه
...................................والعفو/ والاحسان/ والبر/والخير
يامهونً جور الزمان /وكروبه
......................................يامقدر الارزاق/ للخلق تقدير
الارض ماتطوى/ بليا ركوبه
....................................وانا زهابي/ في ظهور المغاتير
ارحل واحل /وخاطري مايشوبه
................ ...............الا الغراب اللي تفرعن على الطير
ينقع سواده في محابر ذنوبه
......................................ويكمم افواه /الصغار العصافير
زانت له الدنيا /وخليّت دروبه
...................................والحُر الاشقر /قرنسوه الصقاقير
حالً يذكرني بحال العروبه
....................................اللي اختلف فيها جميع المعايير
راحت مراجلها القديمه/ لعوبه
......................................الطار /والمزمار/ والعود/ والزير
مقدامهم ماعاد يذكر حروبه
..............................اصبح على غير الهدى/ يعكس السير
اعمى /ويتعثر على حرف طوبه
........................................ولاعاد يقدر/للرهاف البواتير
البارحه والشعر /هبت هبوبه
...................................عجت وثارت لين صارت معاصير
اقبلت بالاحساس /والفكر صوبه
......................................وشديت له صوتي/ بليا مزامير
عانقت وجه الشمس/ لحظة غروبه
......................................ولونت من لونه/ شفاه النوافير
نسجت من واقع خياله عذوبه
.................................والغول./. والعنقا./.مجرد اساطير
واستوحشت روحي الزمان وعيوبه
...................................وغنيت/ ياقلب المعنى/ مقادير
وريد قلبي/ مابقي به رطوبه
...................... .......وانفاس صدري / قطعتها المشاوير
من يوصل العليا بليا صعوبه
..................................مايرتفع لو صار ضمن المشاهير
تعاف نفس الحُر/ميلة جنوبه
....................................وتمل من بعض الثياب الأزارير
لولا فضاءات/ الاماني الرحوبه
.........................صاح الخشب / من جور دق المسامير
من حكمة الوقت القديم/ وضروبه
..................................ياكم قرينا في/ صحيح التفاسير
اخوان يوسف /من جفاهم نووا به
................................واطيبهم اللي قال !! حطوه بالبير
ويعقوب جاه النور مع ريح ثوبه
...................................هات البشاير/ يازبون التباشير
العمر فاني ./.والسنين محسوبه
....................................واقدارنا / ماتنثني / للمحاذير
والادمي مابين زله /وتوبه
....................................يقضي زمانه/ والليالي مغاوير
احيان يسبقه المطرفي دروبه
...................................واحيان دلو البير/ مايوصل البير
والله لو ان الموت/ اقسى عقوبه
................................ماطالت الطرقه/ براعي المسايير
وانا ضميري/ لو يحسب ذنوبه
....................................لقيت غير الدمع / للحال تعبير
لكن طموحي بالرضا والمثوبه
..............................من ربي اللي صور الخلق تصوير
ويالله ياللي نرفع الكف صوبه
................................... تحسن خواتمنا بحسن التدابير

ـــــــمنقول