ِِِِانا بادي في مرقب هيض المشحون =وتاعت مخازين الضمايربمافيــــــها
كما توعت الما من مضيق مع صعنون = سفى الما بجره واقبلن به نواشيها
ولانيب عمس القلب ومفتح بعيون = يعفج السوالف مايميزقوافيــــــــــــــها
حداني على نظم الغنا ضيقه وشطون = ودنيا كفى الله شرها اول وتاليــــها
وزمان يهول ليا تفكرت به مجنون = يضيع روابع من بغى ميزة فيــــــــها
غدا الرزق فيه مصلفق كل ماله دون = تخم الخلايق فيه شيء وتخطيــــها
وعذابه على اللي في بيوت الشعر يبنون = عسى رايده بامره يردالنظرفيها
غدينا طعام اللي يسقى بها الجالون = وكرت المطيه ضايع هي وراعيــــها
غدواها جمين في جناب العدوقطون = تردت شدايدهم وضاعت هقاويــــها
يارب اهل باب بميسورهم يسعون = ولادون وجـــه درقــة دون ناصــــيها
يعين بها صخيا على اعراضهم يدرون = يخسرون غالي مالهم دون قافيها
ويرب مالن راح فوق العدود شنون = مشاريبها غارت ويبست مساقيــــها
تقارب نواها بظما والدهرومحون = تردى الجهد منها على الله شكاويـــها
على واحد يرقب ولاله تنوم عيون = عليم السرايربينتها وخافيــــــــــــها
كريم جميع الخلق في مدته يرجون= وما با سماء والارض محصيـــــها
وبأمره نزول الغيث مابين كاف ونون = على موات الارض ان شاء يحيها
مجيب الدعاء من جاب لدعاه لامحزون = عسى طلبة يفتح لها الباب واليها
طالبك في ليل بارقه في رزين موزون = يثورخياله الطفل من مناشيـــــها
يسابق مطرها سيلها يوم قال يكون = صدق بأمره من فضله على ارضه ومن فيها
يعد الذي يمشيه عد يكودالهون = يقول الزبار السيل فجر عداويها
قد استلحقه من سنح هووالسليل ودون = لشم العلم والنير والمردمه فيها
تحدرتحده ثلمت الزهر للضربون = ولاهوب حد الرجع ذا حد ماشيها
سقى ديرة ماهويطرى بهى الغليون = ياكود ازرق العيدان ساعر مقاهيها
سقى دارمن حل المعاسرتجرصحون = واهل شيمه اوصى بها جدهم فيها
سلاسيل زايد ممنة جارها مصيون = وخطرهم على حيل تقدم يمانيها
يتيه بوسط الزايديه يجر شنون = بهيبة قصيرشيخ مدام هو فيها
كلام بلاصدق على صاحبه مهزون = ودواليلها جد الوداعين مجريها
ودا الجار من جدر خراب لهم يبنون = وكثير سوابقها وهي من مضاويها
اهل سلم يبطل عزم من كان له يبغون = جميع النحايا سلمهم ماقدر فيها
يمشي الخوي وسم العصا ممنه مضمون = ذلوله وحدها ماتبي من يباريها
ولا فيه حق كود بمذلق المسنون = على مامشوا لأجداد نمشي مماشيها
كما حرة( [لدويخ )والدلايل دون = وطينا خطرها صوب حايل وراعيها (1)
قال اعطيك مال وخل عرض النقا مصيون = وبيض علينا وعفنا من قوافيها
لكن قال:والله مايغسلكم الصابون = ولانيب لايمكم ولانيب ناسيها
وغزاها اخو( زمله) كنه بمروته مجنون = معه لابته لاد المـــــــنيعي يقديها ( 2 )
وخذاها بحيل وحيله ماتبع قانون = تواريخها تبقى بعد فعل ماضيها
جذبنا رسنها ورى المصمك المتكون = وبهجنا بها صدر الذي معذرفيها
ورا ابن رشيد اللي عليه القود يهدون = على شمخ الذروات يخلي مواويها
وانا بارك للحق وأجري عليه رهون = على مثلها من اللي فعل فعلنا فيها
واختامي صلاة كاين وما بيكون = على مرسل ســـيدالاباشيرهاديـــــــــها