::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - قصيدة جديدة (http://alduwaser.org/vb/showthread.php?t=35721)

قصيدة جديدة

المتحيَل نحِيله حيلةٍ مالها حَـــــــلال ـــ إيلا مَن عقدنا عقدةٍ مـــــالها حــــــــلي
ماكنَا درانا ولا سمعنا كلام يقــــــــال ـــ إنترفع من الشين أتركه جعــــله يولَي
أكبر مايفسد ناقل الهرج من إلَي قال ـــ يقول قاله فيـك في كبده الغُــــــــــلَي
نمامه وغيبه سببت بغض بين أجيال ـــ كم فرَقت ما بين الخلــــيل والخلَــــــي
عسى ناس ما تقدَر عُمَان ولا خوال ــــ عسى المسَكنت فيهم ويبلون بالذلـــي
رفيقك ما عاد يجيك لو قُلت له تعال ـــ مرضٍ نزل في الناس ويش السبب قلي
ما يفتح البيبان ويســــكر الجــــوال ـــــ قريــــــبٍ بعـــيدٍ كن ماهو رفـــــيق لَي
يالله يلَي يقعد الحظ لا مِن مـال ــــــ تجب دعوتي في اللَيل لا قُمت أنا صــلَي
رزقنا حلال والقناعات راس المال ــــــ و من لا قنــع برضــــــــــاك لا ترزقه ملَي

رد: قصيدة جديدة

ابو حسن

لاهنت يالغالي

وصح الله لسانك وسلمت يمينك

تقبل خالص ودي

رد: قصيدة جديدة

الأخ أبو حسن

صح لسانك واعلتى شانك على الابيات والمعاني الرائعة

وتقبل تحياتي ,,

رد: قصيدة جديدة

صح لسانك وتسلم يمناااااااك على القصيده لاهنت...

رد: قصيدة جديدة


	صح لسانك على القصيدة التي تصور حال الناس في هذا الوقت لا هنت يا الغالي وننتظر ابداعاتك اطيب تحية

رد: قصيدة جديدة

أبو سعود الودعاني ، فيصل الشكري ،المطنوخه ، نديم القلم
شرفني مروركم ويعطيكم العافية ...