::: مـنتدى قبيلـة الـدواسـر الـرسمي ::: - قصيدة أعجبتني للشاعر : عايض دخيل الشلاحي

ان ضاق صدري بعيد الـدار سجيتـه=يرتاح قلبي مـن الهوجـاس واللجـه
وليـا طرالـي مـن القيفـان سويتـه=ابيـات شعـراً جزيلـه مابهـا رجـه
اختـار جـزل الكـلام ليـا توريتـه=واترك هزيل الكـلام وباقـي الدجـه
واحـب هـرج النشامـا لا توحيتـه=واكره كلام الردا والكـذب والصجـه
والطيـب مـن عادتـي وانـا تعليتـه=واعرف دروب المراجل واثبت الحجـه
من ماضي الوقـت واليومـه تهقويتـه=ماشي على سيرتي بالطيـب والسجـه
وليا لقيـت الـردي فالبـاب صكيتـه=حتى يزيـن الكـلام وتسكـن العجـه

وسلامتكم ،،،