والكون واسع بس انا احس بالضيق...

---------



هو بس انا من بين كل المخاليـق
اللي عزاه (بساعة الضيق حبـره )
عيني شعر تبكي رحيـل التوافيـق
وحظي كسيرٍ ماقوى الوقت جبره
والكون واسع بس انا احس بالضيق
ما كني الاّ سلك في خرم الابـره
واللي بكفينـه لَعَـبْ بالمعاليـق
أقفى معه من جرح الايـام عبـره
أقفى وهو ضامي وانا ناشف الريق
وفصدورنا لاصوات الاحزان نبره
أقفى وحملّني (عنا) فـوق ماطيـق
منهك جسد ووجيه الايام غبـره
متعلقٍ في خيـط الامـال تعليـق
ومالي على تصريف الاقدار ديـره
أدخل بغيبوبه من الشـوق وافيـق
والقى زماني مثل ماكنت اخبـره
ومادمت انا طير وجروحي مسابيق
قلبي على هالضيـق ياقـوّ صبـره
ومادام ماللطيـر نزعـه وتحليـق
لاوالله الاّ باقـي العمـر ثَـبْـرَه
وتدري بخير الله يحييـك يالضيـق
جيتك جسد متوفيٍ وانـت قبـره

الاخ فيصل الشكري لاهنت على مرورك..

خيااااليه لاهنتي على مرورك العطر...

الاخ عبدالرحمن بن عويس لاهنت على مرورك الكريم...

نجديه لاهنتي على مرورك الجميل...

الاخ احمدسالم لاهنت على مرورك...

ابو ريماااااس لاهنت على مرورك...

الدوسري لاهنت على مرورك...