قصه غريبه حدثت معي انا شخصيا وهي عن الابل وحبيت ان ذكرها عن وفاء الابل مره من المرات كنت في سوق الابل في منطقة الرياض لشراء بعض الابل وخلال تجولي بسوق و كثرة الناس الذين يردون ان يشروا بعض الابل حيث وقعت عيني على ناقه مجهم فاطر بالسن في طرف الحراج ثم ذهبت اليها لان شكلها جذبني على انها فاطر طعبا الناس اللي بالحراج كلا لاهي في شرا ابل واثناء تجولي عليها شاهد عليها وسم من احد فخوذ قبيلتي الدوسرية وهي بيعت لاحد الشريطية بالحراج وراعيه باعها امكن متحاج لدراهم بس الشريطي اللي اخذها يعرف من خلال نظرة الها ان فيها رجاء بالبيع لانها بها نظر شوي على كبر سنها قلت لنفسي بجرب معها ان عطي بعض الصوت وفقلت الكليمات هذه وهي ( دو دو دو سر) كررتها ثلاث مرات تصدقوني ماذا فعلت قامت ترزم وان اقرب منها وتقوم وتحط راسه على كتفي الايمن ان صراحه استغربت ناقه فاطر قلت لنفسي صدفه ثم اختفيت عنها بين الناس في الحراج وقلت لنفسي ابرجع لها اشوف عنها ثم قلت لها نفس الكليمه التي قلتها قبل فاذا بها تحن وترزم وتشمني وتسمع لصوتي والكيلمات اللي قلتها قبل وتقرب راسها لجهتي عاد قلت ولله مابعدها شي ثم قمت ابحث عن الشريطي اللي عنده الناقه فاوجده قلت ابشريها قال وش تبيبها هذي فاطر للقصابه قلت ماعليك انا لي لازوم بها لازم اشريها فعلا شتريتها وكل من شاف مشتراي للاسف قام يضحك علي قلت في قلبي ماتعرفون وش سوت معي والله لشريها بالي يقولون فااقول سبحان الله البهايم تعرف راعيها بصوت ورايحته خاص الابل هذه القصه اثرت علي كثير في قيمه الوفاء عند البل حتى ماتت عندي موتت ربي وخذة منها درس لان انساه ابدا عن الوفاء وهذا القصه سامحوني على القصور والتطويل عليكم 0

ابن واصل البدراني الدوسري